Само во месец септември 76 обврзници го искористиле правото за отпис на камата, кое во третиот рок предвидува отпис на 50% од вкупниот износ на камати кој ги должи обврзникот по основ на даноци и придонеси.

На почетокот на третиот рок (од 1 септември 2009 година до 31 декември 2009) од имплементацијата на оваа антикризна мерка, Управата за јавни приходи отпиша 7,7 милиони денари камати по основ на неплатени јавни давачки на даночните обврзници, односно наплатен е главен долг од фирмите должници во вкупен износ од 19,2 милиони денари.

Од воведувањето на владината мерка, заклучно со септември, вкупниот износ на отпишани камати изнесува 736 милиони денари, односно наплатени се 945,7 милиони денари по основ на главен долг и споредни јавни давачки (освен камати) од 1091 обврзник.

* На обврзници кои поднеле барање за отпис на камата до УЈП им преостануваат уште неполни 3 месеци (до 31 декември 2009) да го искористат своето право.