Од 23 до 25 мај 2007 година, делегација на Управата за јавни приходи, предводена од Генералниот Директор на УЈП, г-дин Горан Трајковски, ќе престојува во работна посета на Управата за даночна и финансиска контрола на Унгарија. Целта е воспоставување на билатерална соработка и размена на искуства во даночното работење, посебно во делот на надворешната контрола, анализа на ризик и работењето на канцелариите за големи даночни обврзници.

Земајќи предвид дека изминатиот период УЈП ги најави контролите на работењето на политичките партии за време на локалните избори 2005 и парламентарните избори 2006 година, неразбирлива е паничната реакција на Социјал Демократскиот Сојуз, од причина што станува збор за редовна постапка на Управата за јавни приходи.

Во текот на вчерашниот ден, 05.05.2007/сабота, Управата за јавни приходи спроведе засилен инспекциски надзор по основ на примена на Законот за регистрирање готовински плаќања кај даночните обврзници.

По претходни сознанија и пријави на граѓани на телефонската линија 198, на на 03.05.2007/среда, 7 мобилни тима на УЈП (15 инспектори) извршија инспекциска контрола на угостителските објекти во Куманово.

Само во првото тримесечие од 2007 година, УЈП на десет големи даночни обврзници кои искажале најголеми побарувања за враќање на данокот на додадена вредност реализираше поврат на ДДВ во вкупен износ од 1.627.955.040,00 денари.