Во периодот од 12 до 30 септември 2008 година, Управата за јавни приходи го контролираше работењето на бензиските пумпи на целата територија на Македонија, при што кај 40 даночни обврзници утврдени се неправилности во работењето – во поголемиот број случаи даночните обврзници не издавале фискални сметки, односно кај истите е утврдена разлика (кусок или вишок) меѓу остварениот промет и регистрираниот промет.

Резидентите на Република Македонија кои остваруваат лични примања од странство, како и лицата кои остваруваат лични примања од дипломатски, односно конзуларни претставништва со седиште во РМ, а за кои исплатувачот на приход не го пресметал и платил персоналниот данок, имаат обврска сами да го пресметаат и платат персоналниот данок.

Во рамките на планираните редовни и тековни активности на 27 септември 2008 година, дежурни екипи на Управата за јавни приходи спроведеа засилени инспекциски контроли по основ на примена на Законот за регистрирање на готовинските плаќања во центарот на Скопје. Со контролите беа опфатени и контролирани субјектите кои вршат дејност угостителство и трговија на мало со прехрамбени производи.

Затворени 15 деловни објекти во Тетово и Гостивар поради непочитување на Законот за регистрирање на готовинските плаќања

Правните лица кои се обврзници на данокот на добивка, со исклучок на малите трговци на кои им се утврдува годишен данок на вкупен приход и обврзниците со посебен даночен статус (друштво за вработување на инвалиди и инвалидизирани лица, стопанска единица во рамките на казнено поправните установи, и корисник на технолошко индустриска и развојна зона), данокот го плаќаат во вид на месечни аконтации на образец – месечен даночен биланс (“МДБ“).