Во врска прилогот на новинарката Емилија Јовановска -“Автопазарот недостапен за инспекторите на УЈП“, кој беше прикажан во вестите на телевизија “А1“, на 06.11.2008/четврток/, Управата за јавни приходи ги демантира пласираните информации во јавноста и наводните изјави на УЈП“ дека пазарот бил неорганизиран и затоа нивни инспектори таму не правеле контроли“, со што е нанасена штета на угледот на институцијата и тенденциозно и погрешно е информирана јавноста за надлежностите и активностите на Управата за јавни приходи.

На веб страницата на Централниот регистар на Република Македонија објавен е преглед на правните лица, трговците - поединци и трговските друштва запишани во Судскиот регистар кои до денот на влегувањето на сила на овој закон не се усогласени со одредбите на Законот за трговските друштва и на правните лица, трговците - поединци и трговските друштва кои се запишани во Трговскиот регистар, а чиишто сметки не се пренесени во деловните банки од поранешниот Завод за платен промет и истите не се блокирани.

Управата за јавни приходи ја информира јавноста дека поради упад во системот на УЈП, 900 даночни решенија на Управата за јавни приходи содржат текст на македонски јазик со поддршка на грчи јазик.

Во сите случаи каде ќе се утврди дека даночниот обврзник има инсталирано и употребува фискален апарат, но постои разлика (кусок или вишок) меѓу остварениот промет и регистрираниот промет (без оглед на висината на разликата), Управата за јавни приходи ќе пристапи кон изрекување на мерка времена забрана за вршење на дејност и глоба.

Во периодот од 12 до 30 септември 2008 година, Управата за јавни приходи го контролираше работењето на бензиските пумпи на целата територија на Македонија, при што кај 40 даночни обврзници утврдени се неправилности во работењето – во поголемиот број случаи даночните обврзници не издавале фискални сметки, односно кај истите е утврдена разлика (кусок или вишок) меѓу остварениот промет и регистрираниот промет.