Во врска со текстот “УЈП ја крие слабата наплата на даноците?“ (објавен во “Утрински весник“, стр. 10, од 17 јули 2009) ја информираме јавноста дека:

“Во насока на зајакнување на транспарентноста на работата и активностите на УЈП и постигнатите резултати во делот на надлежностите на Управата за јавни приходи, од 1 јануари 2009 година на веб страната на УЈП www.ujp.gov.mk се достапни сите релевантни статистики и годишни извештаи на Управата за јавни приходи.

Од овие причини, а и поради фактот што во текот на вчерашниот ден/16.07.2009 година податоците за наплатата на даночните приходи и социјалните придонеси за 2-от квартал од 2009 година беа објавени од страна на Управата за јавни приходи и за истите јавноста беше информирана преку електронските и печатените медиуми, сметаме дека со изнесените невистини од страна на редакцијата на “Утрински весник“ се нанесува штета на институцијата и се доведуваат во заблуда читателите на весникот.“