Врз основа на претходни сознанија и пријави на граѓани на телефонската линија 198, Управата за јавни приходи во координација со Министерството за внатрешни работи, на 06.07.2007 година изврши инспекциски контроли во ноќните барови:

- НОТА АБДИЉКАДРИ од с.Чегранe
- ОРИЕНТАЛ АС од с.Жеровјане

Кај контролираните ноќни барови констатирано е непочитување и кршење на Законот за регистрирање на готовинските плаќања. Врз основа на утврдените неправилности и незаконитости на правните субјекти изречени им се парични казни на лице место (1000 евра во денарска противредност за правното лице и 500 евра во денарска противредност за одговорното лице), како и мерка времена забрана за вршење на дејност во траење од 30 дена. Запечатување на деловните објекти извршено е на 07.07.2007 година.