Управата за јавни приходи водена од примерот на јавните администрации низ цела Европа и предизвикот за одржување и понатамошен развој, ефективност, оперативно работење, исполнување на барањата и очекувањата на даночните обврзници одржа дводневна работилница за имплементација на меѓународно признатиот стандард COMMON ASSESSMENT FRAMEWORK – CAF (Заедничка рамка за проценка). CAF е алатка за целосно управување со квалитет и е инспирирана од моделот за извонредност на Европската фондација за управување со квалитет (EFQM) и моделот на Германскиот универзитет за административни науки во Спејер. Имплементирањето на CAF моделот поволно ќе влијае за постигнување на подобри резултати на повеќе нивоа на Управата за јавни приходи врз подобрување на организациските процеси и целокупното работење во поглед на задоволни вработени и задоволни клиенти што ќе придонесе за модерен и ефикасен сервис за граѓаните.