Директорката на Управата за јавни приходи Сања Лукаревска и претседателската на Државната комисија за спречување на корупцијата Билјана Ивановска на ден 28.11.2022 (понеделник) година потпишаа Договор за размена на податоци и соработка.
 |
 |
Управата за јавни приходи согласно прописите од областа на електронското управување и електронските услуги ќе доставува податоци во електронска форма на Државната комисија за спречување на корупцијата за потребите на нејзиното надлежно постапување. Ваквата размена на податоци ќе придонесе за интензивирање на соработката помеѓу Управата за јавни приходи и Државната комисија за спречување на корупцијата и зголемување на ефикасноста и ефективноста во спроведувањето на законските надлежности на двете институции.
