Дали треба да се воведе фискален апарат ако деловниот објект се наоѓа во високопланинско место населено со помалку од 300 жители?
Во Законот за регистрирање на готовинските плаќања предвидено е ослободување од обврската за фискализација доколку деловниот објект се наоѓа во високопланинско и тешко достапно место населено со помалку од 300 жители и кое не претставува туристичко место. Но, за да се примени ова ослободување потребно е да бидат исполнети сите услови истовремено. Ако еден од условите не е исполнет тогаш должни сте да воведете и користите фискален систем на опрема и за остварениот промет да издавате фискални сметки.
