Ги информираме даночните обврзници дека со најновите законски измени во делот на данокот на додадена вредност, повластената даночна стапка од 5% на прометот и увозот на земјоделската механизација ќе продолжи да се применува се до пристапувањето на Република Македонија во членство на Европската Унија.
Ваквата мерка е во функција на поттикнување на развојот на земјоделството, со цел да се стимулира набавката на земјоделската механизација која ќе придонесе за поголема продуктивност во земјоделието. Ова особено е значајно за индивидуалните земјоделски производители кои не се регистрирани за целите на данокот на додадена вредност и кои немаат право на одбивка на претходно платен ДДВ.
* Измените на Законот за данокот за додадена вредност се објавени во „Службен весник на Р.М.“ бр. 95 од 16 јули 2010 година, а се применуваат од 1 јули 2010 година.
