FISCALIS 2013

Програмата Fiscalis 2013 е програма во рамките на Генералниот Директорат за даноци и царина (DG TAXUD), во времетраење од 5 години, од 1 јануари 2008 до 31 декември 2013 година.

Целта на оваа програма е да се зголеми соработката и размената на информации, како и најдобрите практики помеѓу даночните администрации. Исто така, помага да се создадат модули за електронско учење и ИТ алатки, со цел олеснување на размената на даночни информации.

Клучни области кои ги опфаќа програмата:

• Електронска контрола
• Данок на додадена вредност (ДДВ)
• Доброволно усогласување
• Административна соработка
• Управување со ризик
• Наплата на даноци и присилна наплата
• Административна стратегија за е – Даноци
• Взаемно разбирање и имплементација на даночната легислатива на ЕУ

TAIEX

TAIEX претставува техничка помош и инструмент за размена на информации, раководен од страна на Генералниот Директорат за проширување на Европската Комисија. TAIEX ги поддржува земјите кандидатки на ЕУ во однос на приближувањето, примената и зајакнувањето на ЕУ легислативата.

Во рамките на овој технички инструмент, Управата за јавни приходи доби експертска помош во делот на даночното сметководство.