Исплатувачите кои вршат исплата на приходи на физички лица по следните основи:

• лични примања
• приходи од авторски права и права од индустриска сопственост
• приходи од капитал
• приходи од имот и имотни права
• добивки од игри на среќа и
• други приходи

за кои аконтацијата на данокот се плаќа по одбивка, должни се до Управата за јавни приходи да достават годишен извештај за бруто остварените приходи од обврзниците, за пресметаниот и платениот данок и придонесите и вкупно исплатенитее нето приходи по сите основи во текот на календарската година.

Годишниот извештај се поднесува најдоцна до 15-ти февруари наредната година, до Управата за јавни приходи, според седиштето на исплатувачот.

НАПОМЕНА: Доколку можете компјутерски да ги подготвите податоците барани во делот 4 од извештајот, прочитајте го “Упатство за компјутерска подготовка на Годишниот извештај на исплатувачот”, во кое детално е објаснета содржината и формата на датотеките со бараните податоци. Подготвените датотеки снимете ги на магнетен медиум и поднесете ги заедно со Годишниот извештај, пополнет заклучно со дел 3 - “Сумарни податоци за исплатите”.