Аконтативната даночна пријава за остварени приходи од имот и имотни права ја поднесуваат физичките лица - обврзници на персоналниот данок на доход кои остваруваат приходи од имот и имотни права.

Доколку обврзникот остварува приходи од издавање во закуп или подзакуп на повеќе имоти или имотни права, потребно е за секој од нив да поднесе посебна Аконтативната даночна пријава.

Аконтативната даночна пријава се поднесува во рок од 15 дена од денот на остварувањето на приходите, до Управата за јавни приходи на чија територија се наоѓа имотот.
Аконтативната даночна пријава-одјава се поднесува и во случај кога закупот/подзакупот престанува пред истекот на договорот.

На даночниот обврзник за сторен прекршок ќе му се изрече глоба во износ од 500 до 1000 евра во денарска противвредност, ако не поднесе Аконтативна даночна пријава во пропишаниот рок.

Пред да ја пополните Аконтативна даночна пријава, прочитајте го Упаството за пополнување (составен дел на пријавата).