Барањето се поднесува во даночниот период, во кој одобрениот систем на опрема за регистрирање на готовинските плаќања е набавен и воведен во употреба, пред поднесувањето на Даночен биланс за оданочување на непризнаени приходи (образец “ДБ“), во кој се остварува правото на намалување на данокот.

Доколку набавката и воведувањето на фискалната апаратура (до 10 фискални апарати) се врши во повеќе различни даночни периоди, за секој нов воведен систем на фискална апаратура се поднесува посебно барање.

Барањето се доставува најдоцна до 20 јануари во годината што следи по годината за која барањето се поднесува, односно во годината што следи по годината во која е извршена набавката и воведувањето на одобрениот фискален систем на опрема.

Доколку ова право не биде искористено во целост, истото се пренесува во наредниот период, се до неговото целосно искористување.