Прашањата поставени од даночните обврзници и мислењата дадени од УЈП се прикажани во нивната изворна форма. Мислењата на УЈП се засноваат на одредбите од Законот за данокот на добивка (ЗДД) и подзаконските прописи поврзани со данокот на добивка, но истите не претставуваат толкување на законот, од причина што надлежен орган за давање на толкување на закони е Собранието на Република Севарна Македонија. Доколку мислењата се од претходни години, потребно е да се има предвид дека може да има измени во одредбите и треба да се провери дали истите наведени во мислењето се уште се во сила. Доколку има промени во одредбите на законските и подзаконските акти врз кои се базира одредено мислење, истото повеќе не е применливо во тој дел или во целост.

1. Можете ли да ми дадете ваше мислење и видување на следната ситуација:

   Приватна фирма основана од едно физичко лице е во фаза на доброволна ликвидација поради пензионирање на основачот.
   Фирмата се стекнала со Хартии од Вредност преку купување на Македонска Берза, пред јуни 2022 година.
   Каква е судбината на овие Хартии од Вредност од сопственички како и од даночен аспект:
   Која е постапката за пренос на сопственоста на овие ХВ на основачот ?
   Кој има обврска за плаќање данок – правното или физичкото лице, по која стапка, кој го пресметува данокот и кога се плаќа истиот ?

   Однапред благодарам за вашиот ценет стручен одговор.
   »»» ОДГОВОР

2. Почитувани,

   Би сакала да Ве замолам за консултација од областа на Данок на добивка во врска со третманот на подолу опишаниот трошок:

   Kако голем субјет е обврзана да изготвува финансиски извештаи согласно Меѓународните сметководствени стандарди објавени во службен весник бр 40 од 1997 и последователните измени. Согласно меѓународниот стандард 19 компанијата е обврзана да прокнижи трошок за неискористени денови од одмор -состојба со 31.12, бидејќи тој трошок се однесува и припаѓа на календарската година, иако според домашната регулатива може да се искористат до 30.06 наредната година.
   Ова значи дека на 30.06 овој трошок би се сторнирал а на 31.12 следната година повторно би се пуштил повторно според актуелните пресметки за таа година и новата состојба на неискористени денови на 31.12.

   Напоменувам дека моделот на работа на е таков што сите трошоци (освен финансиските) се префактурираат кон поврзаните субјекти, така што доколку книжиме трошок ќе се појави и зголемен приход, на износот на трошокот зголемен за пресметаната маржа.

   Прашањето е од аспект на Данок на добивка -дали може Трошокот за неискористени денови од одмор да го сметаме за признаен трошок, бидејќи би сакале по препорака на ревизорите да се усогласиме со Мегународните сметководствени стандарди и да го прокнижиме истиот. Како што напоменав погоре тоа би резултирало со зголемен трошок но и зголемен приход по истиот основ така што после оваа трансакција основицата за данок на добивка ќе биде зголемена за соодветната маржа на оваа трансакција при префактурирањето, споредено со ситуацијата доколку не се книжи трошокот.

   Доколку треба било какво објаснување на погоре опишаниот трошок, на располагање сум за дообјаснување.
   »»» ОДГОВОР

3. Почитувани,
   Компанија А лоцирана во ТИРЗ зона користи услуга од друга компанија Б која нема ниту седиште ниту подружница во РСМ. Услугата која се користи од компанијата Б се однесува користење на простор на платформата на гоогле, како и 5 лиценци за истото со период на користење од 3 години.
   Ве молам за одговор дали оваа услуга подлежи на задржан данок, и дали треба треба да пресметаме ДДВ по член 32 точка 4 од ЗДДВ?
   Благодарам,

   Почитувани,
   едно дополнување по основ на веќе поставеното прашање. Фактурата за овие лиценци и просторот на платформата гоогле, не е издадена дирекно од Гогогле, туку од друга компанија од Италија. Имено оваа компанија од Италија нас ни дава простор и лиценци кој она веќе го имала дирекно закупено кај Гоогле а се однесуваат за домеинот на компанијата мајка од Италија. Оваа компанија во Италија само посредува во услугата, бидејќи ние не сме во дирекна корелација со главниот понудувач на оваа услуга. Како што ми појаснија, ова е точно некој простор во облаци на кои ние сега го користиме со рок од 3 години. Доколку не го продолжиме договорот ние немаме пристап повеќе на истото, а од друга страна тоа не е и трајно во наше владение. Во прилог описот кој стои на фактурата.
   
   Ве молам за ваш став или појаснување дали за оваа фактура треба да пресметаме ДДВ по точка 32,4 и по која стапка?
   Како и дали истата подлежи на задржан данок?

   Благодарам,
   »»» ОДГОВОР

4. Почитувани
   Фирма со дејност компјутерско програмирање има создадено апликација која се симнува (download) на Google play. За истата Гоогле и Аппле уплакаат на девизната сметка на фирмата месечни износи од симнувања на апликацијата од различни страни на светот.
   Дали на тие девизни приливи кои се воедно и приходи се плака задржан данок ?
   »»» ОДГОВОР

5. Почитувани,

   Согласно телефонскиот разговор, го цитирам “член 517” од “Законот за трговски друштва” , став 1, врз основа на кој би следело припојувањето на друштво А кон друштво Б: “Едно или повеќе друштва може да се присоединат (друштво што се присоединува) кон друго друштво (друштво што презема), со пренос на целокупниот имот и на обврските на друштвото коешто се присоединува без да се спроведе негова ликвидација, во замена за удели, односно за акции од друштво што презема”.
   »»» ОДГОВОР

6. Почитувани,

   Склучен е договор за давање на позајмица на физичко лице вработено во фирмата ( управител на фирмата ).
   Договорот е продолжен со анекс на истиот во кој е дефинирано дека позајмицата физичкото лице ќе ја врати најдоцна до 31.12.2024.
   Дали при составувањето на годишна сметка позајмицата ќе треба да се врати во даночен биланс?
   Дали ќе треба да се плати данок на добивка и данок на личен доход?
   »»» ОДГОВОР

7. Почитувани,
   Ве молам за информација дали трошокот за набавка на галони вода во правното лице за пиење е непризанен трошок за даночни цели и дали за истиот може да се користи влезното ддв?
   »»» ОДГОВОР

8. Почитувани,
   Во врска со Основните средства кои што се неупотребливи, а имаат сметководствена вредност која документација е потребна за да истите да бидат расходувани и тргнати од сметководствена евиденција. За електронскиот отпад се ангажира фирма лиценцирана за собирање на отпад, но што е потребно за останатите ( на пр. мебел, софтвер, лиценци)
   Дали е потребно да се достави Барање до УЈП пред да се направи расходувањето.
   Ве молам за одговор во врска со расходот на основните средства.
   »»» ОДГОВОР

9. Почитувани,
   Имам едно прашање во врска со рок за најрано исплакање на дивиденда.
   Со оглед на тоа сто завршните сметки за 2023 се поднесени до 15.03.2024, кој е најран датум на кој може да исплатам дивиденда за 2023?
   Дали е тоа 01.04.2024 или можам и порано, т.е. било кој датум после 15.03.2024?
   И дали целата сума за дивидендата мора да се исплати наеднас или може на неколку рати?
   Поздрав,
   »»» ОДГОВОР
   

10. Почитувани,
    Во интерес на правилна примена на даночните прописи, Ве молиме за одговор на следното прашање:
    А) Компанија од Република Северна Македонија која се занимава со тргување на електрична енергија, склучува договор со компанија од Република Грција (поврзана страна) за тргување со електрична енергија. Електричната енергија е берзански производ. Имајќи во предвид на во Макекедонија не постои Берза за тргување со електрична енергија, македонската компанија увезува електрична енергија за сопствени потреби и извезува електрична енергија во Република Грција за потреби на поврзаната страна. Македонската компанија нема директен пристап на берзата за тргување во Будимпешта и во Софија.
    Договорите за испорака на електричната енергија, вообичаено се склучуваат на минимум од 1 година.
    Во договорот за испорака на електричната енергија, е договорена една фиксна цена за продажба на електричната енергија, но доколку дојде до откажување на резервираната количина во терминот на подигање на електричната енергија, во таков случај може да се случат следните настани:
    1) До колку цената на берза на електричната енергија во моментот на откажување на договорот е над договорената цена тогаш продавачот (грчката компанија) ја исплаќа разликата на македонската компанија (разлика од договорената цена до моменталната берзанска цена на пазарот) и грчката компанија има право на слободна продажба на електричната енергија на други компании. (Пример договорена цена 400 еур, а цена на пазар 450 еур. (разликата од 50 еур. македонската компанија ја фактурира кон грчката компанија)
    2) Доколку моменталната цена на електричната енергија на берза е под договорената цена тогаш купувачот (македонската компанија) ја плаќа разликата од моменталната берзанска цена до договорената и продавачот г(рчката компанија) има право да ја продава на други компании. Македонската компанија евидентира трошок врз основа на плаќање на парични средства на грчката компанија од која добива влезна ф-ра за разликата во цена. Пример договорена цена 400 еур, а цена на пазар 170 еур. (разликата од 230 еур. грчката компанија ја фактурира кон македонската компанија)
    Ве молиме да ни одговорите кои се даночните импликации од ваквото работење.
    1. Кога ќе настане првиот случај, односно кога цената на електричната енергија ке биде повисока на берза од онаа по која се договориле фирмите, врз таа основа грчката компанија ќе исплати пари на македонската компанија дали овој прилив на парични средства има одредени ДДВ импликации. Секако овие парични средства ќе се евидентираат како приходи и истите преку Билансот на успех ќе бидат предмет на оданочување со данок на добивка.
    2. Доколку настане вториот случај односно цената на електричната енергија на берзата падне под договорената, дали исплатата која македонската компанија треба да ја направи кон грчката компанија (за тоа би добиле влезна фактура) како трошок е признат расход за цели на данокот на добивка, дали постојат одредени импликации од аспект на задржан данок и дали од аспект на ДДВ има одредени даночни импликации.
    Б) Фирмата од Македонија нема пристап на берзата за електричната енергија, а користи пристап преку фирмата - мајка која е членка на Европска Унија и настапува во име на својата ќерка-фирма на берза. За разликата од договорената цена и постигнатата цена на берза фирмата мајка ќе испраќа фактури. Дали овие трошоци за пониска цена се предмет на ДДВ и задржан данок ?
    Однапред Благодарам
    »»» ОДГОВОР

11. Почитувани
    ние сме синдикат и добивме донација од фирма во форма на компјутери и принтери кои се обезвреднети и се половни не се нови
    дали имаме обврска да поднесеме било каква документација до вас.
    на вашата страна видовме образложение дека фондациите и синдикатите не треба да поднесуваат, потребно е да имаат договор за донацијата
    во прилог ви го препраќам извадокот од закон за донации член 4
    Член 4
    (1) Давателот и примателот на донацијата и спонзорството склучуваат договор во писмена форма, согласно со Законот за облигационите односи.
    (2) По исклучок од ставот (1) на овој член, кога примател на донација е здружение или фондација која се стекнала со статус на организација од јавен интерес согласно со Законот за здруженија и фондации или кога примател на донација е здружение или фондација која согласно со основачкиот акт е основана за конкретна финансиска поддршка во врска со јавен интерес утврден со закон, може да не се склучува договор во писмена форма, при што како основ за даночно поттикнување ќе се смета извршената уплата на финансиски средства на посебна трансакциска сметка на примателот на донацијата за таа намена, од моментот на упис во регистар на здружение или фондација согласно со закон до конечното остварување на јавниот интерес за кој се дава конкретна финансиска поддршка.
    (3) Во случај на прибирање на средства преку теледавања, примателот на донацијата обезбедува потврда за примени средства преку телефонска сметка од телеоператорот на месечно ниво, доколку периодот во кој сметката за донации е отворена е подолг од еден месец.
    (4) Во случај на прибирање на средства од организирани настани, организаторот на настанот средствата прибрани за донацијата ги уплатува на трансакциската сметка на примателот на донацијата во рок од 30 дена од денот на завршувањето на настанот.
    (5) Предмет на договорот од ставот (1) на овој член мора да биде остварување на јавен интерес определен со членот 3 точка 4 од овој закон.
    (6) За донации од членот 3 точка 1 од овој закон на барање на давателот примателот му издава писмена потврда.
    (7) Формата, содржината и начинот на издавање на писмената потврда од ставот (6) на овој член ги пропишува министерот за правда.
    »»» ОДГОВОР

12. Почитувани,

    Ви сакале да Ви се обратиме со барање за мислење во врска со правото на користење на даночен кредит за исправка на побарувања, во момент кога е користено право за пренесување на даночна загуба од претходни периоди од аспект на Законот на Данок на Добивка (ЗДД).

    • Информации во врска со конкретното прашање

    Според резултатот во Билансот на успех, за годините 2020 и 2021 ТАВ Македонија ДООЕЛ (ТАВ или Друштвото), има утвредено загуби. Согласно одредбите од ЗДД, Друштвото за загубите за наведените периоди, намалени за непризнаените расходи искажани во образецот Даночен Биланс (ДБ), има поднесено Барања и добиено соодветни одобренија од УЈП за пренесување на истите, на товар на добивката во идните пресметковни периоди.

    Во 2022 година Друштвото искажа негативен финансиски резултат, загуба, во Билансот на успех, но со оглед на тоа што износот на непризнатите расходи во ДБ беше поголем од износост на негативниот финансиски резултат во Билансот на успех, Друштвото имаше позитивна даночна основа.

    Соодветно на претходно кажаното, позитивната даночна основа во ДБ за 2022 година, беше во целост намалена со дел од износот на пренесената загуба за 2020 година, и износот во АОП 49 и АОП 56 изнесува нула.

    Дополнително на наведеното, во ДБ за 2022 година, Друштвото има направено усогласување на финансискиот резултат за износот на исправка на вредноста на ненаплатени побарувања, коишто беа наплатени во текот на 2023 година.

    Прашањето е дали ТАВ има право да ја намали даночната основа за 2023 година за износот на наплатени побарувања кои биле вратени како непризнат расход во даночниот биланс за 2022 година.

    • Наше разбирање на даночниот третман

    Согласно одредбите од член 17 од ЗДД и член 5 став 1 од Правилникот за данокот на добивка (Правилникот), даночната основа се намалува за износот на наплатените побарувања кои во претходни даночни периоди имале третман на непризнаен расход при што намалувањето се врши соодветно за износот на наплатените побарувања до висината на искажаниот приход, за кои во претходните даночни периоди било извршено зголемување на даночната основа, соодветно на оданочениот износ.

    Од сето напред изнесено произлегува дека даночната основа во образецот ДБ за 2023 година, согласно наведените одредби од Законот и Правилникот, може да се намали за износ на наплатените побарувања за кои, во претходните даночни периоди
    - Било извршено зголемување на даночната основа;
    - Износот бил оданочен.

    Врз основа на горенаведеното и имајќи предвид дека доколку Друштвото не го искористи правото на даночен кредит, би дошло до двојно оданочување на истиот приход (кога побарувањето било иницијално признато, и сега кога било наплатено), сметаме дека ТАВ би требало да има право на даночен кредит. Односно, прашањето е дали условот дека даночниот обврзник може да ја намали даночната основа на наплатени претходно исправени побарувања „соодветно на оданочениот износ“ може да се смета за исполнет имајќи предвид дека индиректно, во годината кога бил вратен расходот како непризнат (во 2022 година), истиот имал за ефект намалување на износот на пренесена загуба, што индиректно значи дека останува помал износ за пренесување и пребивање со некои идни даночни обврски.

    Ве молиме за потврда дали нашето разбирање за даночниот третман кој би требало да се примени е во согласност со одредбите од ЗДД. Во спротивно, Ве молиме за насоки за точниот даночен третман.
    »»» ОДГОВОР

13. Почитувани,
    Ве молам за мислење за следново. Домашна компанија добива фактура од странство за услуги – администрирање (одржување) на IT софтверска алатка. Оваа алатка испраќа електронска анкета за задоволство на потрошувачите од услугите, односот со потрошувачи, достапност и сл. Истата алатка собира податоци кои подоцна се обработуваат по различни основи, и со тоа се произвлекуваат заклучоци околу задоволството на потрошувачите со цел како да се подобрат условите и да се подобри оценката.
    Ве молам за мислење дали оваа фактура е предмет на ДДВ и задржан данок.
    Ви благодарам однапред.
    »»» ОДГОВОР

14. Почитувани,
    Ве молам за информација за донации/спонзорства.
    Имено, сакаме да донираме основни средства (компјутери, монитори) кои нас не ни се повеќе корисни и потребни.
    Дали можеме истите да ги донираме на здружение?
    Која е процедурата за истото?
    Дали треба да поднесеме барање за донација/спонзорство до министерство за правда за да добиеме решение дека донацијата е од општ интерес?
    Претпоставувам дека и кај вас ќе треба да поднесеме некој извештај за истото.
    Во однос на основните средства (компјутери, монитори) дали истите треба да имаат некаква вредност кај нас? Пример имаме неколку компјутери кои до крајот на оваа година ќе се амортизираат 100% и ќе немаат вредност. Дали и основни средства со 100% амортизираност можеме да донираме?
    Доколку не објаснив добро, ве молам контактирајте ме.
    До сега не сме правеле донација на основни средства па потребна ни е помош.
    Со почит,
    »»» ОДГОВОР

15. Почитувани,
    Правни лица -Резиденти на РСМ ако имаат дадено дплгорочни заеми(од 4 години)во тек на 2023 година, чие доспевање е во 2027 г. а притоа уредно се регистрирани во НБРМ,
    Дали на крајот од 2023 година овие долгорочни-недоспеани заеми влегуваат во ДБ за 2023 година поле АОП33- Износ на ненаплатени побарувања од заем?
    Со почит
    »»» ОДГОВОР

16. Почитувани,

    Ве молиме за Ваше мислење во однос на даночниот третман на следната ситуација од аспект на ЗДДВ, ЗДЛД и ЗДД. Трговско друштво врши набавка храна за вработените во погонот, кој е на локација надвор од населено место и следствено вработените не можат самите лесно да набават храна во текот на работното време, во форма на lunch пакети во кои има спакувано храна (најчесто ладни сендвичи, овошје, сок и сл.). Конзумацијата не е на организиран начин во менза. Во овој случај сметаме дека од аспект на ЗДДВ е јасно се работи за влезен промет на добра а не на услуга од надворешен добавувач (нема организирана исхрана во менза туку достава на храна до локацијата на погонот). Од апсект на ЗДДВ не интересира Ваше мислење, дали во оваа ситуација фирмата која ја набавува храната за вработените:
    - има право на одбивка на влезното ДДВ од набавката на lunch пакети?
    - треба да пресметка излезно ДДВ во врска со овој настан и
    - доколку одговорот на второто прашање е позитивен тогаш по која стапка (дали со стапка како за кетеринг услуга иако нема организирана исхрана и менза или како добро (производ) по истата стапка по која е фактурирана храната кон фирмата од надворешниот добавувач)?

    - Од аспект на ЗДЛД не интересира дали: Сметате дека во оваа ситуација постои оданочив доход?
    - Доколку одговорот на претходното прашање е позитивен, тогаш на која даночна основа, во кој рок и на чие име би се процесирала пресметката во е-ПДД?

    Од аспект на ЗДД не интересира дали во оваа ситуација препознавате непризнат расход?

    Во контекст на прашањата би сакале да посочиме и кон членот 113 од ЗРО, согласно кој работодавачот на свој трошок на работниците може да им организира превоз до и од работното место, како и исхрана за време на работа, со тоа што трошоците за исхрана можат да изнесуваат најмногу до 20% од просечната нето плата по работник исплатена во претходната година. Вредноста на lunch пакетите е далеку пониска од максималната вредност дефинирана со ЗРО.

    Благодариме однапред
    »»» ОДГОВОР

17. ОД: Друштво за трговија со злато и сребро
    
    Почитувани,
    Друштво за трговија со злато и сребро е друштво кое се занимава со трговија на злато и сребро на македоноскиот пазар.
    Ова барање го упатуваме до Вас како надлежна државна институција, а се со цел да добиеме соодветен одоговор во врска со даночни ослободувања на прометот со инвестициско злато, поточно со ослободување од данок на капитална добивка.
    Нашето прашање до Вас е: Дали постои услов со кој физички или правни лица се ослободени од данок на добивка ако инвестираат во инвестициско злато. Дали ако инвестициското златото е чувано определен период од време при продажба и остварена добивка лицето е ослободено од данок на добивка?
    Ви благодариме на укажаната соработка, и во очекување на Вашиот одговор!
    Со почит,
    »»» ОДГОВОР

18. Во текот на 2023 год. Трговско друштво има платено на Facebook фактури за реклама во износ од 2.000.000 денари. (Седиштето ма ФБ е во Ирска и со Ирска имаме склучено договор за избегнување на двојно оданочување). Во февруари, минатата година 2023, има поднесено барање за даночно ослободување до управата.
    Дали до 15 февруари 2024 година треба да доставиме Образец ДД-И.

    Со почит,
    »»» ОДГОВОР

19. Почитувани,

    Ве молам за Ваш став и мислење во врска со подолу наведениот пример:

    Правно лице А со приоритетна дејност трговија на електрична енергија, со друго правно лице Б склучува Договор за јавна набавка на електрична енергија. Притоа овој договор е обезбеден со Банкарска гаранција, каде корисник на гаранцијата е правното лице Б кое ќе набавува електрична енергија од правното лице А. Како парично обезбедување по основ на оваа гаранција правното лице А орочува депозит во банката во износ од 10% од вредноста на Договорот. Поради сплет на околности се случува да правното лице А не ги извршува обврските квалитетно и согласно со Договорот, поради што банката на повик на корисникот (правно лице Б) го врши плаќањето до износот на гаранцијата. Банката го активира депозитот како обезбедување и станува корисник на овие средства во висина на вкупните побарувања заедно со сите трошоци на депонентот-правно лице А.
    Дали овој трошок за активираниот депозит како обезбедување на гаранцијата е даночно признат расход за правното лице А?
    Поздрав,
    »»» ОДГОВОР

20. Почитувани,

    Ве молиме за одговор на следното:

    Фирма зема под оперативен лизинг моторно возило (автомобил) и ќе го користи за службени цели.

    Дали трошокот за закуп на возилото е признат трошок за даночни цели (во образецот ДБ).

    Поздрав
    »»» ОДГОВОР

21. Почитувани,

    Ве молиме за одговор.

    Правен субјект е основан од друг правен субјект. Правниот субјект што основал направил промена во сопственоста, односно од ДОО поминал во ДООЕЛ (едниот содружник го продал уделот на другиот). Значи се работи за индиректна сопственост.

    Прашањата се во врска со членот 19 од Зaконот за данокот на добивка:

    “Член 19
    (1) Доколку даночниот обврзник оствари загуба искажана во Билансот на успех истата намалена за непризнаените расходи искажани во даночниот биланс може да ја пренесе на товар на добивката во идните пресметковни периоди најмногу до три години сметано од годината во која е искажана загубата.
    (2) Намалувањето во даночниот биланс се врши последователно почнувајќи од износот на најрано настанатите даночни загуби.
    (3) Правото од ставот (1) на овој член не може да се користи во случај на измена на статусот на даночниот обврзник врз основа на спојување, припојување, поделба, сопственичка трансформација и слично.
    (4) Обврзникот кој искажува загуба, правото од ставот (1) на овој член го остварува со одобрение од Управата за јавни приходи, по негово барање кое се поднесува најдоцна до 31 март наредната година, по годината во која загубата е искажана.
    (5) Управата за јавни приходи е должна да издаде одобрение по барањето од ставот (4) на овој член во рок од 60 дена од денот на поднесување на барањето.”

    1.Дали настанатата промена се смета за сопственичка трансформација и не може да се користи правото за покривање даночна загуба?

    2.Дали доколку оваа година не може да се искористи правото од членот 19, може да се искористи во преостанантите 2 години (2024 и 2025, бидејќи се работи за даночна загуба од 2022)?

    Ве молиме да ни дадете брз одговор, со оглед на тоа дека рокот за поднесување даночни биланси е уште 2 дена.

    Поздрав
    »»» ОДГОВОР

22. Почитувани,

    Ве молиме за мислење.

    Согласно Законот за изменување и дополнување на Законот за добивка (Службен весник на РСМ бр. 199/23), уплатените премии за животно осигурување за вработени лица стануваат непризнат расход. Со оглед на тоа што одредбата влезе во сила од 25 септември 2023 година, а не е поповолна за обврзникот за да се користи ретроактивно, прашањето е:

    Дали износот за премии за животно осигурување за вработени лица платен за целата 2023 година е непризнат расход или се прави пресек и дали ако се прави пресек се прави на пресметаниот или платениот износ?

    Поздрав
    »»» ОДГОВОР

23. Почитувани,
    Дали ако работодавацот корисник уплати доброволно здравстено осигурување на вработени лица во редовен работен однос кои се вработени / ангажирани преку лиценцирана агенција за вработување трошокот е признаен во Даночен биланс ?
    Благодарам Однапред
    Со почит
    »»» ОДГОВОР

24.  Почитувани,
    Ве молиме за толкување во врска со член 18 од Законот за данокот на добивка во врска со намалување на даночната основа за износот на дивиденди остварени од резиденти на РСМ со учество во капиталот на друг даночен обврзник-резидент на РСМ, под услов да се оданочени според пропишаната даночна стапка.
    Друштвото МН примило дивиденда од правното лице ХЅ во износ од 200,000 денари и добило образец Изјава за платен данок на добивка И-ПД во кој е наведено дека не е платен данок на добивка поради непостоење на даночна основа.
    Дали друштвото МН може на р.бр 42 од ДБ образецот-Дивиденди остварени со учество во капиталот на друг даночен даночен обврзник, оданочени со данок на добивка кај исплатувачот да го внесе износот од 200,000 денари и да ја намали даночната основа?
    Благодариме за одговорите.
    »»» ОДГОВОР

25. Почитувани,
    Ве молиме за толкување во врска со одредбите од Законот за данокот на добивка во врска со годишен данок на вкупен приход.
    1.Друштвото е основано на 19,02,2023 година и до крајот на 2023 г. остварило приходи во износ од 1,200,000 денари.
    Кога ќе се пресметува вкупниот приход на годишно ниво дали прометот од 1,200,000 денари се дели со 10 или 11 месеци, односно дали се брои и месeц февруари?
    2.Друштвото е основано 2017 година. Во 2023 година е отворена постапка за стечај.
    Приходите за 2023 година се под 3,000,000 денари.
    За 2023 година дали се изготвува ДБ-ВП?
    Благодарам за одговорите.
    »»» ОДГОВОР

26. Почитувани,
    Ве молиме да ни дадете објаснување каков даночен третман има капитализација на профитот на друштвото која би се направила со профитот од 2021 година.
    Капитализацијата со профитот од претходни години се врши заради покривање на инвестиции кои се во тек.
    Во овој случај нема исплата на приходи од дивиденди кон оснивачот во Грција туку се зголемува главницата од друштвото со добивката.
    Добивката од 2021 година нема да се одлее во пари кон странскиот основач туку останува во државата како зголемена главнина на друштвото.
    Ве молиме да ни дадете тумачење за даночниот третман на ваквата трансакција, имено данокот на добивка веќе е платен а прашањето е дали треба да се плати задржан данок при оваа трансакција.
    Ви благодариме,
    »»» ОДГОВОР

27. Почитувани,

    Станува збор за операција во странство за која веќе официјално има и телефонски броеви за донации од операторите ... Бидејќи го познаваме детето сакаме да донираме ама сметководството ни вика дека ќе треба данок да платиме па сакав да бидам сигурна дека е така

    Ви благодарам
    
    Почитувани,
    За да би можеле поконкретно да одговриме на Вашето прашање потребно е да ни дообјасните за каков вид на здраствени услуги станува збор за донирање а се со цел правилна примена на даночните прописи
    Поздрав,

    Почитувани,
    За донација за здравствени услуги од правно на физичко лице дали се плаќа данок, ако се плаќа колку и дали всушност целото плаќање треба да оди преку УЈП (пример како плати, кирии што плаќаме) или само поднесуваме за данокот
    »»» ОДГОВОР

28. Почитувани,
    сакам да поставам прашање во врска со работата на една непрофитна организација.
    Организират настан еднодневна конференција која ќе се финасира од спонзорства и со продажба на карти(котизација за учество на настанот), на кои ќе има оратори.
    Прашањето е дали продажбата на картите односно средствата примени како котизација за настанот ќе имаат третман на приходи од стопанска дејност или пак ќе претставуваат приходи од нестопанска активност.
    Со почит,
    »»» ОДГОВОР

29. Почитувани,

    Ве молиме за одговор.

    Дали кај непрофитни организации кои се основани во текот на годината, а имаат приходи од стопанска дејност, приходот треба да надмине 1.000.000 денари за да имаат обврска да поднесат ДБ-НП/ВП или приходот од стопанска дејност се дели на бројот на месеци од основањетo и се множи со 12, исто како и кај приходот за регистрација за ДДВ?
    На пример: Непрофитна организација која е основана во јули 2023 година, има остварено приход од стопанска дејност од 700.000 денари. Дали треба да поднесе ДБ-НП/ВП за 2023 година?
    Ви благодариме.
    »»» ОДГОВОР

30. Почитувани,

    Ви пишувам од сметководствено биро. Имаме правно лице кое е регистрирано како Стопанска интересна заедница. Во Централен регистар ни бараат да поднесеме класична завршна сметка за профитни друштва.
    Ме интересира кој образец треба да се поднесе во УЈП, ДБ, ДБ-ВП или ДБ-НП/ВП
    Со почит
    »»» ОДГОВОР

31. Почитувани,

    Ве молам за одговор.

    Пред 5 години е дадена позајмица од правно лице на правно лице. Правното лице што ја добило позајмицата не било во можност повеќе да ја враќа и од наредната година управителот на фирмата ја превзема на свое име со нотарски договор и солемизација да ја враќа таа позајмица периодично.
    Дали треба изност да се оданочи со данок на добивка?

    Поздрав и ве молам за брз одговор.
    »»» ОДГОВОР

32. Почитувани,
    
    Дали доколку поседува фирмата документ дека водата за пиење е технички неисправна, водата што ја купуваат е признат расход?
    Со почит,
    »»» ОДГОВОР

33. Почитувани,
    Организираме настан за наши аптеки еднаш годишно за промоција на нашите производи и брендови. Местото на настанот е Грција.
    За цели на настанот ангажираме предавач од Хрватска (договараме/фактура добиваме од правно лице од Хрватска).
    
    Прашања:
    1. ДДВ – добиваме фактура без пресметано странско ДДВ. Ве молам за насока како да постапиме од аспект на ДДВ, кој член од ЗДДВ би бил апликативен? Дали имаме обврска пресметковно да изразиме ДДВ, и ако да, дали ДДВто ќе е одбитна ставка?
    2. Задржан данок – дали услугата – едукација/предавање на настан е предмет на задржан данок?
    3. Данок на добивка – дали овој тип на услуга е признаен расход за цели на данок на добивка.
    
    Дали имаме обврска за пресметка на данок на личен доход (бројот на учесници е голем, имаме претставници од сите аптеки со кои соработуваме)?

    Поздрав,
    »»» ОДГОВОР

34. Почитувани,

    Ние сме компанија која од месец ноември 2024 е корисник на заем од друго правно лице. Заемот не можеме да го вратиме до крајот на оваа година и во врска со ова би сакале да не информирате:
    -Дали правното лице кое ни дало заем, треба да плати Данок на добивка за износот кој ни го позајмиле?
    Во Законот за Данок на добивка, член 11, став 2 е наведено дека одредбата од челн 11, не се применува за правни лица резиденти на РСМ
    И двете правни лица се резиденти на РСМ.

    Со почит,
    »»» ОДГОВОР

35. Почитувани
    
    Првото прашањето се однесува на ЈЗУ. Имено, на сопствената сметка имаме приходи од приватни услуги (операции, наплатени без здравствено осигурување - односно приватно). Дали на тие приходи се пресметува и уплатува Данок на добивка по завршна сметка.
    Второто прашање се однесува исто така на ЈЗУ. Дали на останатите пари на сметката на ден 31.12.2024 година се пресметува и уплатува Данок на добивка по завршна сметка.
    »»» ОДГОВОР

36. Почитувани,

    Ве молам за мислење во врска со следнава дилема:
    Слаткарница произведува торти и др, слаткарски производи. При производството на слатките пресметува процент на кало, растур, крш и расипување според Правилникот за кало, растур, крш и расипување.
    Потоа истите ги продава во сопствената слаткарница. Слатките кои нема да се продадат во пропишаниот рок се фрлаат. Дали слаткарницата може истовремено да користи процент на кало, растур, крш и расипување и во производство и потоа во трговија од аспект на данокот на добивка?.
    Благодарам за одговорите.
    »»» ОДГОВОР

37. Почитувани,
    
    Се обраќам со цел да побарам формално мислење во врска со даночниот третман на продажбата на побарувања за кредити пласирани од страна на финансиски друштва во Република Северна Македонија.
    
    Основа за прашањето
    Во некои финансиски трансакции, даночните обврзници пренесуваат или продаваат ненаплатени побарувања по пласирани кредити на трети лица, често по дисконтирана/намалена вредност. Овие побарувања за кредити се признаваат како средства во финансиските извештаи на даночните обврзници, а при продажбата на овие кредити, даночните обврзници евидентираат добивки или загуби од нивната продажба. Овие добивки или загуби всушност го претставуваат дисконтот од продажбата, односно разликата помеѓу продажната вредност на побарувањата за кредити и нивната сметководствена вредност.
    Законот за данок на добивка дава упатства за даночниот третман на капиталните расходи кои произлегуваат од продажбата на хартии од вредност, опрема и недвижности, но не ги регулира конкретно загубите од продажбата на побарувањата за кредити.
    
    Прашање
    Во врска со ова, Ве молиме да ни дадеме мислење за даночниот третмат од аспект на данокот на добивка во однос на загубите од продажбата на побарувањата за кредити. Ве молиме за Вашето мислење, дали овие добивки и загуби, кои произлегуваат од продажбата на побарувања за кредити треба да се третираат од аспект на данокот на добивка исто како и капиталните загуби од продажбата на други средства како што се хартиите од вредност, опремата и недвижности.
    Би билa благодарнa ако можете да ни дадете формално разјаснување во однос на овој аспект.
    Со почит,
    »»» ОДГОВОР

38. Почитувани,

    Ве молиме за мислење за следнава тематика и ве молиме за побрз одговор.

    Трговско друштво (даночен обврзник), наш клиент кој се занимава со увоз и дистрибуција на албуми со самолепливи сликички, во рамките на својата дејност, практикува организирање на промотивни акции со цел поттикнување и зголемување на продажбата. Промотивните акции се состојат во распределба на одреден број бесплатни примероци на албуми по одредени правила по кои се одвива Промотивната акција. Албумите во Промотивната акција се означени дека не се за продажба и се достапни на сите купувачи под еднакви услови. Главна цел на овие промотивни акции е промовирање на секоја нова колекција албуми со сликички и поттикнување на нејзина поуспешна продажба.

    Во врска со ова, би сакале да добиеме Ваше мислење и толкување согласно со позитивните законски прописи, дали трошоците за овие Промотивни акции претставуваат признат трошок на даночниот обврзник, односно какви се импликациите во однос на оданочувањето на овие трошоци по било кој основ.

    На некои интернет сајтови во соседните замји (Србија, Хрватска) може да се пронајде толкување дека трошоците за вакви Промотивни акции се признат трошок на даночниот обврзник и не се предмет на оданочување, но бидејќи не можевме да пронајдеме таков сајт во Македонија, а заради евентуални специфики на прописите во Македонија, се обраќаме до Вас за стручно мислење и толкување.
    
    Благодариме за соработката и ве поздравуваме.
    »»» ОДГОВОР

39. Почитувани,

    Дали годинава ќе се плаќа 1% од реализација на име Данок на вкупен приход.

    Ви благодарам.
    »»» ОДГОВОР

40. Почитувани,
    
    Во врска со исплата на редовна основна месечна плата во износ над 16 месечни просечни плати, дали износот над 16 месечни просечни плати е признат како трошок за фирмата исплаќач?
    
    Со почит,
    »»» ОДГОВОР

41. Почитувани,

    Како здружение имаме потреба и помош и објаснување бидејќи во канцеларијата во Штип немаше кој да ни објасни.

    Имено сме регитрирани согласно Закон за здруженија и фондации, па според тоа, бараме помош и одговор за тоа како да се ослободиме од двоен данок при плаќање на фактури од МЕТА при спонзорирање на објави.
    Имено до нас стаса информација, па да прашаме дали подлежиме и како да се ослободиме од некаков "задржан данок".

    "Барање за даночно ослободување се поднесува до Управата за јавни приходи на Република Северна Македонија, во спротивно сите фактури од Мета подлежат на плаќање на задржан данок."

    Дали може да ни објасните и помогнете се со цел имаме соодветна имплементација и плаќање според нашите закони?
    Со почит,
    »»» ОДГОВОР

42. Ве молам да ми одговорите на следново прашање:

    Во 2024 година приходот ни е помеѓу 3.000.000,00 денари и 6.000.000,00 денари и имаме можност да изберме со завршната пресметка или образец ДБ-ВП или ДБ.

    Доколку избереме ДБ-ВП, тогаш тој начин на оданочување не можеме да го смениме во наредни три години.

    Доколку избереме ДБ, дали тој начин на оданочување треба да го задржиме во наредните три години или можеме при изготвување на завршната пресметка за 2025 година да избереме ДБ-ВП.

    Ви благодарам
    »»» ОДГОВОР

43. Почитувани,
    Ве молам за мислење во врска со следнава дилема:
    Друштвото трговец МН купува кафе од странство и го продава на други друштва во РМ.
    За да ја зголеми продажбата друштвото купува кафемати и ги дава на користење на друштвата кои од него купуваат кафе.
    Кафематите се даваат без надомест за користењето, и тие остануваат во евиденцијата на друштвото МН.
    Давателот на кафематите истите ги сервисира во текот на користењето, односно ако се расипат ги поправа на свој трошок.
    Дали се смета дека друштвото МН врши промет без надомест, односно ги дава на користење кафематите без да наплати закупнина?
    Дали приходот од закупнина од кој се откажува, се оданочува во даночниот биланс ДВ како скриен приход?
    
    Благодарам за одговорите.
    »»» ОДГОВОР

44. Почитувани,

    Ве молам за мислење во врска со следнава дилема:
    Според Уредбата за амортизација пропишаната стапка на амортизација е 20% и рок за отпишување 5 години. Друштвото одлучило со своја сметководствена политика да одбере стапка од 10% и да го отпишува во период од 10 години. Доколку го отпишуваше со 20% ќе го отпишење за 5 г. а со стапка од 10% го отпишува за 10 г.

    Дали амортизацијата што се пресметува во периодот од 6-тата до 10-тата година со стапка од 10% е признат расход во ДБ?
    Благодариме за одговорите.
    »»» ОДГОВОР

45. Почитувани,

    Ви пишувам за да побарам информации во врска со дозволените рокови за амортизација на различни имоти, кои се применуваат според даночните прописи во Северна Македонија. Особено ме интересира листа или документ кој ги содржи соодветните рокови на амортизација за различни категории на имоти, како што се згради, машини и возила.

    Дали можете да ми обезбедите таква листа или да ми ја соопштите локацијата каде што можам да ги најдам овие информации за правилно применување на даночните прописи?

    Ви благодариме однапред за вашата поддршка и се радувам на вашиот брз одговор.

    Со почит,
    »»» ОДГОВОР

46. Почитувани,

    Домашно правно лице добива фактури за услуги за GPS надзор на сопствен службен возен парк од Република Србија на месечно ниво. Возниот парк на домашното правно лице кој е предмет на следење и надзор го сочинуваат 6 товарни службени возила и едно патничко возило. Согласно договорот за услуги склучен меѓу двете страни, GPS надзорот на овие возила се врши по пат на пренос и обработка на податоци, кои уредот за надзор, вграден во возилото, по пат на СИМ картичка ги испраќа до Централната база на податоци, при што корисникот има право на користење на Интернет апликација која му овозможува увид во користењето и лоцирањето на возилото. Услугата за GPS надзор, согласно договорот се обезбедува преку сопствена опрема на корисникот која се вградува во возилата кои се предмет на следење. Користењето на GPS услугите се врши со помош на апликација која е достапна на интернет страницата на обезбедувачот на услугите.

    Покрај фактурите за GPS следење на службениот возен парк кои ги добива на месечно ниво, домашното правно лице има добиено и фактура за репрограмирање на возила на локација и монтажа на GPS услугата, еднократно издадена, од страна на истиот странски обезбедувач на услугите.

    Врз основа на предходно произнесеното, нашите прашања сe:
    -Дали опишаните услуги за репрограмирање и монтажа на GPS услугата, како и самите услуги на GPS следење и надзор се предмет на задржан данок?
    -Каков е ДДВ третманот на овие услуги - дали ДДВ е со или без право на одбивка од предходен данок, соодветно за патничкото возило и за товарните возила, со оглед на тоа дека товарните возила се во функција на дејноста на фирмата? Домашното правно лице е регистриран ДДВ обврзник кој доставува ДДВ пријави до Управата за јавни приходи на месечно ниво.

    Поздрав,
    »»» ОДГОВОР

47. Почитувани,

    Би ве замолила да ми одговорите на следниве прашања:

    1. Дали правно лице ДДВ обрзник кој издава фактури за странство, проектот се реализира во странство, дали треба да се пресмета ДДВ?
    2. Домашно правно лице ДДВ обврзник набавува возило (комбе) дали може истото да го продаде во тековната година?
    3. Компанија кои што инвестираат дали може со завршната сметка, да се реинвестира инвестицијата?

    Со почит,
    Александра
    »»» ОДГОВОР

48. Почитувани,
    
    Ве молам за информација колку е дозволен кало и растур во фирма која што врши дејност производство на мебел.
    Шифра на дејност 31.09
    Ви благодарам
    Со почит,
    »»» ОДГОВОР

49. Почитувани,
    
    ПрајсвотерхаусКуперс ДООЕЛ Скопје e друштво за даночни и сметководствено-книговодствени консултантски услуги кое е основано и работи според македонските прописи. При нашата работа со клиенти се соочуваме со бројни прашања од даночната област. Тековно имаме прашање за кое ни е потребно Ваше мислење со цел правилна примена на одредбите од Законот за данокот на добивка („ЗДД“), кое се однесува на дадени аванси согласно склучена полиса за осигурување на живот. Во насока на разрешување на постоечките дилеми и доброволна даночна усогласеност на друштвата како даночни обврзници, ве молиме за мислење во врска со даночната дилема подолу.
    
    Фактичка состојба
    Осигурително друштво чија примарна дејност е животно осигурување склучува договори со физички лица за осигурување на живот со штедна компонента.
    
    Согласно Законот за облигационите односи и интерни документи на осигурителното друштво изготвени согласно законската регулатива, во случај на барање од страна на физичкото лице (осигуреник), осигурителното друштво му исплаќа на физичкото лице (осигуреник) аванс.
    Имено, за дадениот аванс физичкото лице (осигуреник) и осигурителното друштвото склучуваат Договор за аванс врз основа на полиса за осигурување на живот (“Договор”). Во Договорот се наведува износот на авансот, периодот за кој истиот треба да се врати, како и каматата која ја должи физичкото лице (осигуреник). За времетраење на Договорот, физичкото лице (осигуреник) е должно покрај авансот и камата да ја уплаќа и премијата за осигурување на живот.
    Доколку се спроведе откуп на осигурувањето пред да биде исплатен авансот, откупната вредност која треба да се исплати на физичкото лице (осигуреник) ќе се намали за износот на долг по дадениот аванс.
    
    Можноста за давање аванс произлегува од член 1011 од Законот за облигационите односи во кој е наведено:
    “(1) По барање од договарачот на осигурувањето на живот склучено за целиот живот на осигуреникот, осигурувачот може да му исплати однапред дел од осигурената сума до висината на откупната вредност на полисата што договарачот на осигурувањето може да го врати подоцна.
    (2) На примениот аванс договарачот на осигурувањето е должен да плаќа определена камата.
    (3) Ако договарачот на осигурувањето задоцни со плаќањето на стасаната камата, ќе се постапи како да барал откуп.
    (4) Во полисата на осигурувањето мораат да бидат наведени условите за давање на аванс, можноста да му се врати на осигурувачот износот примен на име аванс, висината на каматната стапка, последиците од неплаќањето на стасаната камата, како што е определено со условите на осигурувањето.”
    Имајќи го предвид законскиот основ, може да се заклучи дека осигурителната компанија постапува согласно законските обврски.
    
    Законска регулатива
    Согласно ЗДД, основа за пресметување на данокот на добивка е разликата меѓу вкупните приходи и вкупните расходи утврдена согласно прописите за сметководството и сметководствените стандарди, зголемена за износот на непризнаени расходи и помалку искажани приходи. Листата на непризнаени расходи е таксативно наведена во ЗДД.
    Согласно член 11 од ЗДД, како непризнаени расходи за даночни цели се сметаат и ненаплатените побарувања кои произлегуваат од трансфери на парични средства кои по својата економска суштина се заеми, доколку не се вратени во истата година во која е извршен трансферот на заемот.
    Даночната основа се намалува за износот на наплатени побарувања и вратени парични средства кои по својата економска суштина се заеми кои во претходни даночни периоди имале третман на непризнаен расход. Намалувањето на даночната основа се врши соодветно за износот на наплатени побарувања до висината на искажаниот приход, за кои во претходни даночни периоди било извршено зголемување на даночната основа, соодветно на оданочениот износ.
    
    Поимот трансфер на парични средства кои по својата економска суштина се заеми е доста широк и може да се толкува на различни начини. Покрај горенаведените одредби, ЗДД, ниту пак поврзаните даночни акти, не содржат дополнителни одредби или објаснувања во поглед на тоа кои трансфери на парични средства треба да се земат предвид согласно член 11 од ЗДД.
    Оттука, нашата дилема е дали дадените аванси кон осигурениците од страна на осигурителното друштво врз основа на полиса за осигурување на живот може да се квалификуваат како трансфери на парични средства кои по својата економска суштина се заеми. Имено, дали доколку дадениот аванс не е вратен до крајот на годината во кој е исплатен, дали делот кој што не е наплатен ќе се смета како непризнат расход согласно член 11 од ЗДД.

    Имајќи ја во предвид горенаведената фактичка состојба, ве молиме за ваше мислење во однос на третманот од аспект на данок на добивка на авансите дадени на осигурениците врз основа на полиса за осигурување на живот. Се надеваме дека ќе одговорите на нашето барање во најкус можен рок. Ве молиме известете нè доколку имате дополнителни прашања или коментари во врска ова барање.
    
    Со почит,
    »»» ОДГОВОР

50.  Почитувани,

    Непрофитна организација организира настан.
    1. За овој настан добива Решение од Министерство за култура дека настанот е од јавен интерес.
    2. Средства за одржување на настанот добива од Министерството за култура, донации од фирми и Амбасади.
    3. Покрај овие средства, непрофитната организација продава и карти за настанот на физички и правни лица.

    Прашањето е дали средствата кои се добиени од продажба на карти на физички и правни лица треба да се оданочат со данок на вкупен приход - на образец „ДБ-НП/ВП“- даночен биланс на непрофитни организации?

    Однапред благодарам.
    »»» ОДГОВОР

51. На ниво на групација започнавме проект во договор со поврзана фирма од Германија. За потребите на проектот беа набавени материјали кои требаше да се искористат вградаат во готовиот производ.
    Оваа година на менаџерско ниво беше одлучено дека проектот ќе биде стопиран и погонот кај нас затворен. Одлуката која беше донесена од страна на менаџерите беше материјалите кои се останати на залиха и не се искористени да се уништат , отпишат и предадат на отпад. Се работи за електро материјали (склопки, осигурувачи и сл) кои се застарени, и по нивното уништување ќе бидат предадени на фирма која превзема електричен отпад.
    За да ни ја надоместат штетата беше одлучено да им пратиме вредност на поврзаната фирма во Германија за надомест на трошоците со што би не обесштетиле. Со цел да не се прават дополнителни трошоци за транспорт до Германија материјалите ќе бидат уништени кај нас и дадени во отпад кај нас, а поврзаната фирма од Германија ќе ги надомести сите трошоци поврзани со отписот.
    Ве молам за мислење за даночниот третман на отписот, дали треба да пресметуваме ДДВ и дали влегува во ДБ како непризнат трошок.
    Исто така ве молам за насоки на кој начин да биде наплатено побарувањето кое ќе се креира за надоместокот на штета, дали тоа треба да биде финансиско задолжение, договор за надомест на штета или на друг начин.
    »»» ОДГОВОР

52. Почитувани,
    Ќе замолам за Вашето мислење како би постапиле согласно законската регулатива на сила.
    Прашање:Компанијата овозможува покривање на трошоците за обука на свој вработен за академија по графички дизајн, обуката би доприлена за подобро и поефикасно извршување на своите работни активности. Договорено помеѓу компанијата и вработениот е надоместокот од 1800 еур да се покрие во следниот сооднос односно 50%(900еур) да го покрие компанијата а преостанатите 50%(900еур) вработениот.
    Дали и во овој случај кога имаме покривање на трошоците за обука од 50% се повикуваме на Законот за данок на добивка чл.9 точка 15 кој гласи:
    "стипендии, освен стипендиите доделени на начин и под услови утврдени со Законот за донации и спонзорства во јавните дејности кои се оданочуваат според одредбите од точката 10) на овој член, во кои не спаѓаат трошоците за обука и специјализација на вработените заради остварувањето на дејноста на даночниот обврзник, под услов истите да продолжат со работа кај истиот работодавач, во временски период утврден со договор, кој не е пократок од три години сметано од годината на стекнувањето со соодветните знаења; "
    Бидејќи компанијата покрива 50% од надоместокот дали за овој издатокот важи чл.9 точка 15 од Законот за Данок на добивка дека вработениот треба да продолжи со работата кај истиот работодавач наредните 3 години од годината во која се стекнува со сертификатот за како би имал третман на признат трошок или во конкретниот случај времетраењето би било пократко бидејќи се плаќа 50% од надоместокот односно една година и 6 месеци.
    Однапред Ви благодарам,
    »»» ОДГОВОР

53. Hi
    I represent a UK based company which has no offices in North Macedonia.
    We are considering engaging an independent contractor who will be working with us on a long-term full-time basis. Under UK law they would be considered an employee.
    Could you please advise me of the Macedonian classification and what steps we would need to take to ensure that we do not breach any employment or tax legislation. The contractor has advised me that they may operate under their company entity.
    I have looked at tax/benefit deductions and there does not seem to be any employer tax that is due. All deductions seem to be taken from the gross income payment. Therefore, provided that the contractor has a contract which specifies that they are responsible for all their tax liabilities etc, is this ok?
    I look forward to receiving your help in this matter.
    Thank you
    _____________________
    Здраво
    Јас застапувам компанија со седиште во Велика Британија која нема канцеларии во Северна Македонија.
    Размислуваме да ангажираме независен изведувач кој ќе работи со нас на долгорочна основа со полно работно време. Според законите на Обединетото кралство тој ќе се сметаат за вработен.
    Може ли да ме известите во однос на тоа како ваквиот ангажман би се класифицирал согласно македонското законодавство и какви чекори би требало да преземеме за да бидеме сигурни дека нема да прекршиме никаква одредба од Македонската даночна и регулатива за врвработување. Изведувачот ме советуваше дека тие можат да работат преку нивната компанија.
    Ги разгледав одбитоците за даноци/бенефиции и се чини дека не постои данок што се должи од страна на работодавачот. Се чини дека сите одбитоци се одбиваат од бруто приходот кој се исплатува. Затоа, под услов изведувачот да има договор во кој е наведено дека тој е одговорен за сите свои даночни обврски итн, дали е ова во ред?
    Со нетрпение очекувам да ја добијам вашата помош со ова прашање.
    »»» ОДГОВОР

54. Почитувани,
    Ве молам за мислење.
    Новооснован Даночен субјект кој е основан со план на реорганизација од стечаен управник и решение од СУД наследува права, имот, залихи и обврски за исплата по амортизационен план.
    Обврските кои ги наследува се обврски кон доверители и обврски по основ на дадени позајмици.
    
    ПРАШАЊЕ број 1 :
    Доколку некој доверител со спогодба се откаже од своето побарување, даночниот субјект ќе евидентира отпис на обврски со контра став приходи од отпис на обврски.
    Дали отписот на обврски од стечајна маса со план на реорганизаија подлежи на оданочување?
    
    ПРАШАЊЕ број 2:
    Наследени залихи на суровина и готов производ
    Министерството за внатрешни работи спроведува запленување на суровина и готов производ, во записникот за одземување и запленување не се наведени килограми или други мерни единици само се наведени број на кутии на одземени залихи.
    Дали запленетите залихи со ваков записник од МВР подлежат на оданочување со персонален данок, ДДВ и ДБ, односно дали имаат третман на кусок или се даночно признати расходи?
    Очекувам ваш одговор.
    »»» ОДГОВОР

55. Почитувани,
    Ве молам за следната консултација:
    Компанија склучува договори за подарок и подарува станови на вработени лица кои воедно и се деца на сопствениците на компанијата. Ве молам за насока дали овие станови подлежат на пресметка на персонален данок на доход земајќи во предвид дека за нив е издадено решение од Град Скопје за обврска за плаќање на данок на подарок и наследство?
    »»» ОДГОВОР

56. Почитувани,
    Имаме фирма која за своите вработени секојдневно нарачува храна од разни места и од истите добива или ф-ра или се плаќа преку картица (немаме склучено договор за носење на храна за вработените).
    Храната се конзумира во посебна просторија во фирмава.
    Фирмата не е ддв обврзник бидејки прометот (член 14) е со странство и секоја година фирмава кога ке надмине 2 милиони денари УЈП ја одбива по основ дека прометот кој го имаат е неоданочив промет од аспект на ДДВ.
    Ве молам како да постапиме од апсект на
    1.ДДВ
    2.Данок на личен доход
    3.Данок на добивка
    »»» ОДГОВОР

57. Со цел да го зголеми бројот на корисници комапнија планира маркетинг кампања за добивање на нови членови. Маркетинг кампањата се однесува на прибирање на нови членови со понуда дека ако аплицираат им се одобри картичката ќе бидат одобрени на картичка со 1.000 мкд.
    Ве молиме за мислење каков даночен третман ќе имаат износите со кои ќе бидат одобрени новите членови од аспект на Законот за данок на добивка и Законот за данок на личен доход имајќи в предвид дека се работи за маркетинг кампања за унапредување на дејноста.
    Во очекување на Вашиот брз одговор Ви стоиме на располагање за дополнителни информации.
    Со почит,
    »»» ОДГОВОР

58. Почитувани,

    Ве молам за мислење во врска со следнава дилема:
    Слаткарница произведува торти и др, слаткарски производи.
    При производството на слатките пресметува процент на кало, растур, крш и расипување според Правилникот за кало, растур, крш и расипување.
    Потоа истите ги продава во сопствената слаткарница. Слатките кои нема да се продадат во пропишаниот рок се фрлаат.
    Дали слаткарницата може истовремено да користи процент на кало, растур, крш и расипување и во производство и потоа во трговија од аспект на данокот на добивка?.
    Благодарам за одговорите.
    »»» ОДГОВОР

59. Почитувани,
    Домашно правно лице редовно добива месечни фактури за хостинг услуги од Србија. Во договорот кој домашното правно лице го има склучено со давателот на хостинг услугите, дефинирани се неколку поими кои го опишуваат типот на услугата која се обезбедува, а во насока на посликовито објаснување заради точно определување на третманот од аспект на задржан данок ќе искористам некои од дефинициите. Хостинг сервисот кој го обезбедува давателот на услугите го сочинуваат одредени хардверски ресурси и софтвер кои можат да бидат еден или повеќе цели сервери или еден или повеќе делови на сервер со мрежен приклучок и инсталиран софтвер потребен за дефинирана функционалност на хостинг сервисот и користењето од страна на корисникот. Од друга страна, хостинг серверот на давателот претставува услуга за закуп на виртуелен сервер со инсталиран оперативен систем и дефинирани хардверски ресурси на хостинг платформата.
    Резимирано, хостинг услугите кои ги добива правното лице подразбираат закуп на потребните хардверски и софтверски ресурси, како и директно поврзување на одговарачката телекомуникациска инфраструктура која ја користи давателот на услугите. За одговарачка телекомуникациска инфраструктура на давателот на услуги, во смисла на договорот кој е склучен, се смета приклучокот на интернет.
    Услугите кои странскиот давател ги обезбедува, во редовните месечни фактури кои му ги издава на домашното правно лице ги именува како 'услуги за xxxx Cloud'. Давателот на услуги, покрај месечниот надомест за услугите за xxx Cloud, има фактурирано еднократно и услуга за инженеринг и инсталација на миграција на меилови на xxx Cloud mail сервер.
    Врз основа на предходно произнесеното:
    - Дали опишаните хостинг услуги се предмет на задржан данок?
    Однапред благодарам на одговорот.
    Поздрав,
    »»» ОДГОВОР

60. Почитувани
    Со цел усогласување со законските одредби, Ви се обраќаме со барање за формална потврда и мислење, во врска со даночниот третман на трансакции поврзани со маркетинг на Глобален Систем за Дистрибуција (“ГСД”, “Системот”) од аспект на Законот за данок на добивка и поточно во врска со задржаниот данок.
    
    Информации во врска со конкретното прашање
    Групата xxx е главната матична компанија на Групата xxxx, мултинационална група со седиште во Шпанија, специјализирана за софтверски решенија за глобалниот туристички сектор. Xxx ИТ е регистрирана и е даночен резидент во Шпанија.
    Групата xxx поседува системот xxx, кој е сеопфатна и софистицирана технолошка платформа дизајнирана да ги олесни и рационализира различните аспекти на туристичката индустрија. Системот поврзува туристички агенти, авиокомпании, хотели и други даватели на услуги, овозможувајќи им пристап и ефикасно дистрибуирање на информации и услуги поврзани со патувањето. Овој систем игра клучна улога во управувањето и дистрибуцијата на листите, цените и достапноста за различни туристички услуги, обезбедувајќи беспрекорна комуникација и трансакции помеѓу различните чинители во туристичката индустрија.
    Освен за авиокомпаниите, системот исто така може да се користи за резервација на билети за воз, крстарења, изнајмување автомобили, резервација на фери бродови и хотелски соби. Според тоа, Системот се користи од страна на друштва како што се туристичките агенции наречени "Претплатници" кои го користат системот за резервација на авионски билети или други резервации за нивните клиенти. Давателите на основните услуги, т.е. авиокомпании, хотели итн., обично се нарекуваат "Добавувачи".
    Групата xxxx е присутна и на македонскиот пазар преку друштвото xxx Mакедонија ДООЕЛ Скопје кое е во целосна сопственост на Групата. За таа цел, во 2019 година, xxx Македонија потпиша договор со xxx ИТ за маркетинг и дистрибуција на системот (“Договорот”). Според Договорот, xxxx Македонија има овластување да го промовира и да обезбедува пристап до системот на претплатниците кои се наоѓаат во Македонија, а исто така дејствува како неутрална страна за сите учесници и претплатници на ниво на Група.
    Правата на интелектуална сопственост или авторските права поврзани со системот не се пренесени на xxx Македонија.
    Врз основа на Договорот, кога xxx Македонија склучува договор со локален претплатник за пристап до системот, xxx Македонија директно му наплаќа надоместок на локалниот претплатник (дефинирана како "Продажна цена за продуктот"). Од друга страна, xxx ИТ и наплаќа на xxx Македонија сопствена продажна цена за продуктот, која е одредена како продажна цена на производот што xxxx Македонија го наплаќа од претплатниците, намалена за 15%, со што за извршената функција поврзана со дистрибуција на системот, xxxx Македонија остварува добивка во рамките на принципот дофат на рака.
    Покрај тоа, xxx Македонија заработува и надоместок за дистрибуција за промоција на производите и услугите на xxxx ИТ, којшто се пресметува врз основа на трошоците направени од страна на xxx Македонија (освен надоместокот за пристап) зголемени за 5% маржа. Надоместокот за дистрибуција xxxс Македонија го фактурира на xxx ИТ.
    Надоместокот заработен од xxx Македонија за активностите што ги спроведува (продажба на продуктот) и надоместокот за дистрибуција служат за надомест на xxx Македонија за вкупниот број на функции, активности и услуги извршени од него, во согласност со принципот на дофат на рака.
    До сега, плаќањата направени од страна на од xxx Македонија кон xxxx ИТ во врска со пристапот на македонските претплатници до системот, за цели на задржан данок беа третирани како приход од авторски права , при што пред извршувањето на плаќањето, xxx Македонија има поднесено барање за олеснување од задржан данок од авторски права до Управата за јавни приходи со цел примена на договорената стапка на задржан данок од 5%, согласно Договорот за одбегнување на двојно оданочување помеѓу Република Северна Македонија и Кралството Шпанија. Пришто барањето беше одобрено.
    Во моментот, xxxx Македонија го преиспитува досегашниот даночен третман во однос на плаќањата кон xxxx ИТ, при што за таа цел е дадена и анализа во продолжение.
    Преиспитување на даночниот третман на надоместоците платени кон xxx ИТ
    За целите на анализата, може да се направи аналогија со третманот за задржан данок во случај на плаќања за дистрибуција на софтвер, при што според параграф 14.4 од Коментарите кон членот 12 од Моделот на даночна конвенција на ОЕЦД (“Коментари”), договори помеѓу носителот на софтверските авторски права и дистрибутивниот посредник, кои му даваат на дистрибутивниот посредник право да дистрибуира копии од програмата без право да ја репродуцира таа програма, не се сметаат за авторски права.
    Поконкретно, “во овие трансакции, правата стекнати во врска со авторските права се ограничени на оние кои се потребни за дистрибутер посредник да дистрибуира копии од софтверската
    рограма. Во таквите трансакции, дистрибутерите плаќаат само за стекнување на софтверски копии и не искористуваат било какво право на софтверските авторски права. Така, во трансакција каде што дистрибутерот врши плаќања за стекнување и дистрибуција на софтверски копии (без право да го репродуцира софтверот), правата во врска со овие акти на дистрибуција треба да се занемарат при анализирањето на карактерот на трансакцијата за даночни цели. Плаќањата во овие видови на трансакции би се третирале како деловен профит во согласност со член 7 од Моделот на даночна конвенција на ОЕЦД.”
    Со примена на горенаведената аналогија на плаќањата од страна на xxx Македонија на xxx ИТ, xxx Македонија дејствува како дистрибутивен посредник на xxx ИТ, кој е сопственик на авторските права на системот, при што плаќањата се за правата за пристап до системот кои се препродаваат на претплатниците кои потоа го користат системот за резервација на билети за своите клиенти xxx Македонија не го користи или удвојува системот, и затоа оваа трансакција не треба да се класифицира како авторски права и да биде предмет на задржан, наместо тоа трансакцијата треба да се третира како деловен профит според член 7 од Договорот за одбегнување на двојно оданочување помеѓу Република Северна Македонија и Кралството Шпанија.
    Во однос на горенаведеното, треба да се напомене дека врз основа на Виенската конвенција за договорно право, ратификувана од страна на Македонија во 1999 година, како извор на толкување на меѓународни договори (како што е договорот за одбегнување на двојното оданочување помеѓу Македонија и Шпанија), треба да се земе во предвид и примената на секој инструмент кој е направен од една или повеќе страни во врска со склучувањето на договорот и прифатен од другите страни како инструмент поврзан со договорот. Коментарите на ОЕЦД претставуваат таков документ, и според тоа, тие се релевантни кога се толкува дали плаќањето поврзано со продажната цена што се плаќа на Амадеус ИТ претставува авторско право за целите на данокот на добивка.
    Врз основа на горенаведеното, бараме од Вас насоки и потврда за тоа дали горенаведеното разбирање на даночниот третман е во согласност со законодавството. Во спротивно, бараме насоки за правилен даночен третман.
    Доколку Ви се потребни дополнителни информации, Ве молиме известете не, или може да обезбедиме дополнителни објаснувања на евентуален состанок.
    »»» ОДГОВОР

61. Почитувани,
    Ви се обраќаме со овој допис со цел да добиеме ваше мислење за даночен третман на исплата на надоместок на иматели на капитален инструмент, кој капитален инструмент ги исполнува условите од Глава 111.1.2. од Одлуката за методологија за утврдување на адекватноста на капиталот (Линк до целата Одлука) и може да биде дел од додатниот основен капитал на xxx
    Станува збор за склучен договор за субординиран заем со xxx д.д. Словенија, кој ќе се користи како дел од додатниот основен капитал, а со цел зајакнување на капиталните барања и ги има следниве карактеристики:

    ГЛАВНИ КАРАКТЕРИСТИКИ НА СУБОРДИНИРАНИОТ ЗАЕМ
    1	Корисник на заемот	xxxxx
    2	Цел на инструментот	Зајакнување на капиталните барања
    3	Начин на издавање на инструментот	Договор за субординиран заем
    4	Давател на заемот	Xxx d.d. Словенија
    5	Датум на користење на заемот	Август 2024
    6	Начин на плаќање на камата	Каматата ќе доспева за плаќање еднаш годишно по донесена одлука од надзорните органи на xxx Скопје. Каматата ќе се плаќа од добивката расположлива за распределба за rодината за која се однесува каматата
    7	Рок на исплата на заемот	Нема рок на достасување. Не постојат клаузули или друг вид одредби заради кои би се очекувало кредитот да може да се откупи или отплати, освен во случај на стечај и ликвидација на xxx по добиена согласност од Народната банка
    8	Опција за откуп или отплата	По добиена согласност од НБРСМ има опција за откуп или отплата на инструментот, освен во случај на замена на капитал со подобар квалитет и со минимум иста вредност. Народната банка може да издаде согласност за откуп или предвремена отплата на инструментот и пред истекот на 5 години од датумот на користење на субординираниот заем само доколку се исполнети: 1. заради регулаторни промени овие инструменти би биле исклучени од сопствените средства или би се распоредиле во позиции со понизок квалитет; 2.направени се промени во даночниот третман на овие инструменти, а банката може да докаже дека станува збор за значителни промени коишто не можеле да се предвидат во моментот на издавањето/одобрувањето на инструментот
    9	Податоци за гарантот	Не се гарантирани, односно не се обезбедени или покриени со каква било гаранција од страна на xxx или лице поврзано со неа
    10	Субординираност на инструментот	Во случај на стечај или ликвидација на xxx се исплаќаат по инструментите коишто се дел од дополнителниот капитал
    11	Укинување на камата	Xxx има целосна дискреција во секое време да ја откаже исплатата на камата за неопределен временски период, на некумулативна основа
    12	Отпис	Во случај на настанување на критичен настан кој е дефиниран како намалување на стапката на редовен основен капитал под 5,125% се отпишува, односно се намалува вредноста на главницата на времена основа. Вкупниот износ на инструменти од додатниот основен капитал којшто се отпишува по настанување на критичниот настан, не може да биде помал од понискиот износ меѓу: - потребниот-износ за достигнување стапка на редовниот основен капитал од 5,125% и - целиот износ на главницата на инструментот
    13	Апсорбција на загуба	Во случај на настанување на критичен настан (намалување на стапката на редовен основен капитал под 5,125%), издавачот е должен: - веднаш да ја информира Народната банка; - да ги информира имателите на инструментите; и - да ја отпише главницата на инструментите, не подолго од 30 дена од к итичниот настан
    14	Владеачко право	Исполнувањето на обврските во однос на овој инструмент ќе подлежат на законите на РСМ

    Сметководствен третман на договорот за субординиран заем кој ги исполнува условите да биде дел од додатен основен капитал
    Со оглед дека договорот за заем ги исполнува условите за да биде дел од додатниот основен капитал (договорот за субординиран заем е потврден од страна на НБРСМ) а имајќи го во предвид IFRIC 2 (lf the terms of an instrument give the entity an unconditional right to avoid delivering cash or another financial asset, the instrument is classified аѕ equity.Тhis is true even if other factors make it likely that the entity will continue to distribute dividends ог make payments) и согласно инструкциите од НБРСМ за сметководствената евиденција на капиталниот инструмент во вид на субординиран заем класифициран како капитал односно останати сопственички инструменти, инструментот се евидентира и презентира на следниов начин:
    1. Главницата се евидентира како Останати сопственички инструменти (дел·од Капиталот) и се презентира во Извештајот за промени во капиталот.
    2. Месеч·ната камата во текот на периодот не се евидентира, туку на датумот на одлучување за исплата на каматата од добивката расположива за распределба за
    . деловната година, се евидентира обврска по основ на исплата на камата во рамките на Останати сопственички инструменти (Задржана добивка на должи и Останати сопственички инструменти на побарува). Ова значи дека каматата не претставува расход на xxx туку исплатата се врши по иста постапка како исплатата на дивидендата.
    3. Ис,платата се врши на договорениот датум согласно договорот за субординиран заем на имателот на капиталниот инструмент, и во никој случај не се исплаќа на акционерите на xxx основ на учество во акционерскиот капитал.
    Даночен аспект
    Капиталниот инструмент со кој xxx па се стекна преку договор за субординиран заем е дел од Капиталот на xxx но нема третман како и доходот од акциите односно нема третман на акционерски капитал и истиот не претставува запишан капитал на xxx во Централниот регистар на РСМ, туку исполнувајќи ги сите барани одредби од Одлуката за методологија за утврдување на адекватноста на капиталот претставува додатен основен капитал на xxx
    Xxx се стекна со ваков капитален инструмент преку склучување на договор за наем во кој е регулирано исплата на камата со право на целосна дискреција во секое време да ја откаже исплатата на камата за неопределен временски период, на некумулативна основа.
    При тоа, Одлуката за методологија утврдување на адекватност на капиталот регулира исплата на надоместок која може да се распредели на имателиот на капиталниот инструмент во форма на камата или дивиденда.
    Правните лица (во нашиот случај xxx д.д. од Р. Словенија) даночно се третираат од аспект на Законот за Данок на добивка, во делот на задржување на данок на приход платен на странски правни лица.
    Согласно Правилникот за начинот на пресметување и уплатување на данок на добивка и спречување на двојно оданочување ги регулира:
    Приходот од дивиденди означува добивка од акции или други права на учество во добивката кои не се побарувања на долгови, како и доходот од други корпоративни права кои по однос на оданочување имаат ист третман како и доходот од акциите според законите на државите чиј резидент е друштвото кое врши распределба (во случајот xxx).
    Приход од камата означува доход од побарувања на секаков вид долг, независно од тоа дали е обезбеден со хипотека и дали врз основа на нив се стекнува право на учество во добивката на должникот, и особено доход од обврзници или други должнички хартии од вредност вклучувајќи ги и премиите и наградите на тие хартии од вредност,обврзниците или должничките хартии од вредност, како и секој друг доход поврзан со доходот од пари дадени на заем, (освен приходот од камата од точка 2) и 3) на став 2 од членот 21 на Законот). Казнените камати платени за задоцнети плаќања не се сметаат за камати од овој став.
    Имајќи во предвид дека Р.Македонија има склучено Договор за одбегнување на двојно оданочување со Р. Словенија, во кој приходот од дивиденда и приходот од камата имаат различна даночна стапка (поради учество на xxx д.д. над 25% во xxx Скопје), имаат различна уплатна сметка и приходна шифра за потребите на задржување и уплата на данокот од добивка за исплата на приходи на странски правни лица, нашата дилема е примената на типот на приход што треба се примени при исплатата на каматата.
    Со оглед на погоренаведеното, во насока на разрешување на нашата дилема, ве молиме за вашето мислење во врска со даночните аспекти на исплатената камата односно под кој данок подлежи исплатената камата и каков вид на приход претставува приходот платен на странското правно лице по основ на погоренаведениот договор, дали приход од дивиденда или приход од камата.
    »»» ОДГОВОР

62. Почитувани,

    Ве молам за мислење. Фирма регистрирана во ТИРЗ добива државна помош согласно договор со ТИРЗ за набавка на основни средства и за изградба на објект. Добиената помош ја добива врз база на приложени фактури за набавени средства и приложени фактури за-инветиција во тек градежен објект согласно склучен договор.
    Добиената државна помош на сметка на правното лице по основ набавка на материјални средства и изградба на градежен објект со примена на МСС 20 Државна помош - приходот ќе се врзе со животниот век на основното средство односно градежниот објект (средства кои се користат повеќе години).
    Прашањето е дали правното лице ако државната помош ја искаже на аналитика 293 - одложен приход за иден период би имало проблем од даночни цели (и покрај тоа што се ослободени 10 години од данок на добивка) како и погрешно искажан ДБ.

    Ви благодариме однапред.
    »»» ОДГОВОР

63. Почитувани,
    Ве молам за конкретна информација за фактури кои ги добиваме од странство за посредничка провизија како што се Booking, Globres (посредничка провизија за ноќевања) итн. Ве молам за информација дали таа посредничка провизија подлежи на задржан данок и дали влезните фактури треба да се евидентираат во ДДВ пријавата по чл.32 т.4?
    Патем ве молиме и за информација за реклами кои ги плаќаме кон Facebook дали
    се одданочуваат или се ослободени?
    Ви благодарам однапред.
    »»» ОДГОВОР

64. Почитувани,
    Ве молам за мислење во врска со задржан данок.
    Се работи за школа за странски јазици од РМ чии ученици во Грција полагаат испит за добивање меѓународна диплома за познавање странски јазик. Школата од РМ нема овластување да ја даде меѓународната диплома и затоа се користи услуга на правно лице од Грција.
    Дали за добиената фактура од правното лице од Грција школата треба да задржи данок?
    »»» ОДГОВОР

65. Почитувани,
    Ве молиме за мислење и упатство кои даноци треба да се платат во случај кога:
    1. Правно лице продава градежно земјиште на физичко лице
    2. Правно лице дава на подарок градежно земјиште на физичко лице
    Кои даноци би се аплицирале од ДДВ, даноци на имот, данок на личен доход, данок на добивка врз правното лице, а кои врз физичкото лице во двата потенцијални случаи?
    Однапред Ви благодарам,
    »»» ОДГОВОР

66. Почитувани,
    Имам едно прашање во делот на правото за користење на реинвестирана добивка.
    Фирма основана во 2023 година остарила добивка од 100.000 денари со ДВ-ВП!
    Истата инвестирала во опрема (машина) во износ од 60.000 денари во 2024 година , мегутоа поради приходот во 2024 година данокот од добивка се утврдува до ДБ?
    Дали е законски до колку овие 60.000 денари се внесат во АОП 48 ( во делот на реинвестирана добивка) и со тоа се намали основицата за данок од добивка во 2024 година?
    Прашањето е дали има пречка (законска неможност) поради тоа што во 2023 година добивката е утврдена со ДБ-ВП?
    Дополнување на 18.03.2025:
    Почитувани,
    Во 2023 година има приход од 2.200.000 денари , поднесен ДБ-ВП , со добивка во износ од 100.000 денари.
    Во 2024 година има приход од 12.000.000 денари , поднесен ДБ за 2024 година со добивка од 2.000.000 денари. Фирмата инвестирала во опрема (машина) во износ од 60.000 денари во 2024 година, поради што во овие 60.000 денари се внесат во АОП 48 ( во делот на реинвестирана добивка) и со тоа се намали основицата за данок од добивка во 2024 година.
    Прашањето е, дали има пречка (законска неможност) поради тоа што во 2023 година добивката е утврдена со ДБ-ВП?
    Ви благодарам!
    »»» ОДГОВОР

67. Почитувани,
    Ве молам за мислење за трошоци поврзани со саеми. Дали сите трошоци кои се поврзани со присуство на саем подлежат на задржан данок. Се работи за различни фирми кои обезбедуваат различни видови на услуги, изработка на штанд, електрична енергија, интернет, изнајмувањена простор за штанд, декорација на штанд.
    »»» ОДГОВОР

68. Почитувани,
    Според член 9 од Законот за данок на добивка даночно признат расход е износ до 7323,00 денари месечно по работник, за трошоци за „организирана исхрана“ независно дали постои организирана единица во рамките на деловниот процес на работодавачот или услугата „организирана исхрана“ се прима од друг субјект кој се занимава со угостителска дејност. Притоа, оброк, освен за вработените лица во друштвото, се обезбедува и за „надворешните“ вработени односно лица ангажирани преку други друштва (како на пример: одржување на хигиена, физичко обезбедување).
    Прашањето е дали за издатокот за „организирана исхрана“ за овие „надворешни“ лица треба да се пресмета и плати данок на личен доход, и дали во таков случај бруто издатокот е даночно признат расход?
    »»» ОДГОВОР

69. Почитувани,
    Сакам да прашам во врска со пресметка на амортизација. Станува збор за електрична централа пуштена во употреба на 31.01.2024 година, дали можам, а сметам дека можам меѓутоа прашањето ми е дали морам да прокнижам амортизација во пресметковната 2024 година. Бидејќи станува збор за поголем износ со кој фирмата ќе покаже загуба па затоа барам мислење од вас.
    »»» ОДГОВОР

70. Почитувани,

    Трговско друштво купува стар стан изграден во 80-тите години. Дали сметководството може да го прокнижи станот како предмет на трговија/залиха и дали во тој случај станот ќе подлежи на годишна амортизација од 2.5%?

    Однапред благодарен.
    »»» ОДГОВОР

71. Почитувани,
    Правното лице xxx ДООЕЛ Тетово е резидент во РС Македонија, со седиште во Тетово, основано со 100% странски капитал, т.е. основач е странско правно лице xxx–Германија, кое е еден од правните субјекти од групацијата xxx ДООЕЛ Тетово е поврзано лице со други ентитети во рамки на xxxx group-Холандија.
    xxx ДООЕЛ-Тетово, има склучен договор со xxxx-Дубаи, (правен субјект кој е членка на групацијата), за вршење на административни работи, и за извршување на обврските се ангажирани 206 вработени со полно работно време.
    Врз основа на финансиските резултати на ниво на групацијата xxx Гроуп поради успешна деловна година, е одлучено да се исплатат бонуси поради деловна успешност на одредени вработени, моѓу кои е и едно вработено лице во xxx -Тетово да му се исплати бонус, за деловна успешност , преку ентитетот xxx Дубаи.
    Од страна на xxx-Дубаи, е побарано исплатата на бонусот или деловна успешност да се изврши преку xxx Тетово, (на одредено физичко лице, кој истовремено е вработен во xxx-Тетово), и за нето износот исплатен на физичкото лице се пресметаните сите давачки (даноци и придонесе врз основа на МПИН генериран од страна на УЈП-Регионална дирекција-Тетово), да му се фактурираат на ентитетот xxx Дубаи.
    Правното лице xxx ДООЕЛ-Тетово го има исплатено бонусот во форма како плата преку МПИН (со пресметување на даноци и придонеси и други давачки) и бруто износот е префактуриран на xxx-Дубаи, која фактура е наплатена целосно. Согласно точка 23.14 Оддел 23-Приходи од Меѓународни стандарди за финансиско известување за мали и средни ентитети од Правилникот за водење на сметководство (Сл.весник на РМ. Бр.159/09...107/11), при што износот на приходите и трошоците за завршување на трансакцијата веродостојно можат да се измерат.
    Како е изнесено погоре, исплата на бонусот (како плата) е префактурирано на странско правното лице xxx Дубаи, така што финансискиот резултат во даночниот биланс е нула, нема додадена вредност. Се поставува прашањето за да даночниот третман при исплата на бонусот во вид на плата,
    а) Дали за износот трошокот при исплата на износот на бонусот за деловна успешност заедно со придонесите и даноците –бруто плата (уште еднаш напоменувам дека трошокот е префактуриран на поврзаниот субјект xxx Дубаи) преставува трошок на правното лице xxx ДООЕЛ Тетово, ако е дали е признат расход?
    б) Поради фактот, да бонусот за деловна успешност е исплатен во форма на плата (кој е префактуриран на поврзано странско правно лице и е наплатен) износот над 16 просечни плати и пресметаниот персонален данок на доход, дали е признат трошок или не е признат трошок согласно член 9 став 1 точка 18 од Законот за данок на добивка (Сл.весник на РСМ бр.112/14.....199/23). Со напомена дека овој износ на трошокот по основ исплата на бонус во форма на плата не е трошок на правното лице xxx ДООЕЛ-Тетово, при што е префактурирано на странско правно лице xxx-Дубаи.
    »»» ОДГОВОР

72. Почитувани,
    Ве молам да ми одговорите дали после истекот на пет години може да се приходува реинвестирана добивка (да се однесе на класа 7-приходи), за која имаме ослободување во Даночен Биланс и со одлука е книжена на резервирања - конто 942.
    Со почит
    »»» ОДГОВОР

73. Почитувани,
    Ве молиме за одговор на следните прашања:
    1. Ние - сметководствено биро - од Прилеп, од 01.10.2024 имаме нов коминтент и при припрема на завршна пресметка за 2024 утврдивме дека постојат побарувања спрема непознати физички лица постари од 5 години. Ќе извршиме отпис на побарувањата но исто така треба да засметаме и обврска за персонален данок на доход.
    Како да изготвиме е-пдд фолио при немање на конкретно физичко лице за да се плати персоналниот данок на доход?
    2. Во врска со истиот нов коминтент од погоре пишаното - во книговодствената евиденција постојат резервни делови за индустриски машинии (за обработка на тутун) за кои нема никакво движење долг период наназад односно станува збор за застарена залиха и не е извршена исправка на вредност над 5 години. Нашите прашања се:
    а) со кој процент да се изврши исправка на вредност на застарена залиха на резервни делови и
    б) за колкав период наназад да се изврши исправка на вредност (дали само за 2024 или за сите 5 години кога не е вршена исправка на вредност)?
    Ви благодариме на Вашето барање. Во врска со истото, Управата за јавни приходи Ве известува:
    »»» ОДГОВОР

74. Почитувана,
    Ве молам доколу сте во можност да ми објасните околу задржан данок.
    Се работи за културните установи кои се буџетски корисници. Дали и за нив важи обврската за задржување на данок? Станува збор за гостување на културна установа од странство – театар, за која треба да се исплати по фактура или договор за настап од сметка за самофинансирање. Дали исплатата подлежи на задржан данок?
    Се работи за културните установи кои се буџетски корисници. Дали и за нив важи обврската за задржување на данок? Станува збор за гостување на културна установа од странство – театар, за која треба да се исплати по фактура или договор за настап од сметка за самофинансирање. Дали исплатата подлежи на задржан данок?

    Со почит
    »»» ОДГОВОР

75. Почитувани,
    Ве молам за следната консултација. Друштво за филмска продукција, маркетинг и услуги се занимава со продукција на долгометражни филмови и комерцијални реклами како краткометражни филмови за јавно прикажување.
    Прашањето ми е следно:
    Дали и во случај на продукција на реклама како аудиовизулено дело наменето за јавно прикажување трошоците за обезбедување на храна и кетеринг услуги за актерите

    - Се со право на одбивка на ДДВ по член 35 , став 6 од Законот за ДДВ
    - Не подлежат на оданочување со данок на личен доход согласно Законот за данок на личен доход , член 12 став 40
    - И не се сметаат за непризнат расход , согласно Законот за данокот на добивка, член 9
    »»» ОДГОВОР

76. Почитувани,
    Ве молиме за мислење околу следното прашање:
    Имаме клиент кој во месец Април стана заштитно друштво со што обврзникот ќе биде ослободен за плаќање на Данок на добивка за тековната година. На кој начин ќе треба да го пресметаме данокот на добивка за тековната година, дали се пресметува по денови според решение од ЦРМ или на друг начин? Ве молам за информација околу поднесување на ДБ за 2025, дали ќе има 2 биланса или на кој начин да биде доставена пресметката.
    »»» ОДГОВОР

77. Почитувани,
    Во прилог се прашања на кои имаме дилема како да се постапи по истите. Благодарни ке бидеме, ако на истите добиеме одговор.
    Правно лице коешто е регистриран даночен обврзник за целите на ДДВ, има намера да склучи договори со физички лица за користење под закуп станови во сопственост на физичките лица. Истите станови правното лице има намера да ги дава под наем (подзакуп) на други лица. Согласно член 23 став 1 точка 2 од Законот за ДДВ, се ослободува од данок на додадена вредност (без право на одбивка) „изнајмување на станбени згради и станови, доколку истите се користат за станбени цели“. Во конкретниот случај, дел од становите би се издавале преку веб платформи (Booking, Airbnb…) на лица коишто само привремено би го користеле станот (неколку дена)
    Прашање 1: Дали остварениот промет би се сметал како „промет од изнајмување на стан за станбени цели“ и дали би подлежел на оданочување со ДДВ?
    Прашање 2: Бидејќи дел од становите би се издавале преку веб платформи чии носители се правни лица коишто немаат седиште во Македонија (Booking, Airbnb, Meta…) и притоа на овие нерезиденти би им се плаќал соодветен надомест за извршените услуги (услуги за огласување), дали правното лице резидент (корисник на услугите) при плаќање на надоместокот кон споменатите странски правни лица по основ на услугите за огласување подлежи на обврската за пресемтување и плаќање на задржан данок?

    Прашање 3: Дел од лицата коишто би ги користеле становите, наместо на правното лице, надоместокот за користење на станот би го плаќале на странските правни лица на чии платформи станот ќе биде огласен (Booking и Airbnb), па овие странски правни лица би си задржувале одреден процент од надоместокот (провизија), а остатокот од сумата би го исплатувале на сметка на правното лице резидент коешто ги издава становите во подзакуп. Дали во овие случаи домашното правно лице (издавачот на становите) би требало да фактурира директно на корисникот на услугата или на странското правно лице на чија платформа бил огласен станот и дали (доколку фактурата се издава кон странското правно лице) домашното правно лице би имало обврска
    »»» ОДГОВОР

78. Молиме за одоговор на прашањето.
    Спортските клубови кои по Закон за спорт од здруженија како неприфитни друштва, се регистрираа во Акционерски Друштва кои по својата природа се профитни друштва, работат и исплаќаат плати и сите останати трошоци само по основ на добиени средства во вид на донации и спонзорства. Не вршат стопанска дејност.
    Во Даночниот биланс нема поле за овој тип на друштва, т .е. поле за искажување на приходи од донации и спонзорства. Приходите од донации и спонзорства не се оданочуваат. За истите имаат поднесено субјектите барање до Министерство за правда и дел од донациите се од Министерство за спорт.
    Дали може приходите од донации и спонзорства да се мечираат со трошоците кои се исплаќаат во нареден период, т.е. во јануари месец за плати и тековни трошоци. Бидејќи ако остане вака во Даночниот биланс, се прикажува добивка која се оданочува, а реално не треба бидејќи сите приходи се од донации и спонзорства.
    »»» ОДГОВОР

79. Ве молиме за одговор.
    Фирма ќе изврши вложувања во туѓи објeкти, односно инвестициско вложување во зграда земена под закуп.
    Прашање: Дали и во кој процент годишно фирмата може да признае амортизација на вложувањата како трошок?Се работи за долгорочно инвестициско вложување во деловен простор во дел од зграда, внатрешно реновирање, односно поголеми модификации на постојниот простор: адаптација и преуредување на просторот, ѕидови од гипс картон, воведување на централно греење и климатизација, настрешница од метална конструкција.
    Ви благодариме.
    »»» ОДГОВОР

80. Почитувани,
    Ве молиме за ваше мислење по основ на сметководствено евидентирање на реализирана разлика во трговија на мало. Даночен обврзник, ги води деловните книги и сметководствената евиденција во согласност со Меѓународните Стандарди за Финансиско Известување кои се применуваат во Република Северна Македонија. Основната дејност на даночниот обврзник е трговија со бела техника, ИТ опрема, компјутери, телефони и слично. Својата дејност даночниот обврзник ја одвива преку малопродажни објекти, како и со продажба на големо преку магацин.
    Даночниот обврзник, целата трговска стока во продавниците ја евидентира на контата:
    663 – Стоки во продавница – според продажна цена;
    664 – Вкалкулиран данок на додадена вредност; и
    669 – Разлика во цените
    Даночниот обврзник користи ЕРП софтвер со кој за секоја продажба на поединечна ставка од малопродажба може точно да ја утврди продажната цена, реализираниот ДДВ и реализираната разлика во цените, како и набавната вредност на продадените трговски стоки евидентирани на конто 701. На крајот на периодот на известување, односно на крајот на годината даночниот обврзник во целост ја усогласува сметководствената евиденција според финансиското и материјалното сметководство, односно не постојат разлики помеѓу двете.
    Ве молиме за Ваше мислење дали е потребно даночниот обврзник да изврши прилагодување на крајот на годината за реализираната разлика во цени, преку користење на формула за реализација, како што следи:
    Коефициент на реализација = Тековен промет на побарува на 664 / (Почетна состојба на конто 664 + Тековен промет на должи на 664)
    Реализирана разлика во цени = Коефициент на реализација * Вкупен промет на побарува на конто 669.
    Евентуалната разлика помеѓу оваа пресметка и претходно укнижената реална реализирана разлика би се евидентирала на контото 669 и 701. Напоменуваме дека во овој случај материјалната и сметководствената евиденција на даночниот обврзник на крајот на периодот на известување нема да бидат усогласени.
    »»» ОДГОВОР

81. Почитувани,
    По записник од надворешна контрола бр.XXXX од 10.11.2024,на исплатените средсва за дивиденда, за кои веќе е користено даночно ослободување во износ од 40.750.416 ден. и пресметан данок од 10% задолжени сме од страна на УЈП за износ од 4.075.042.00 ден. кој е платен и камата која е платена во износ од 1.001.238 ден.
    Прашањето е дали данокот на добивка кој претставува основица за пресметување на камата, треба да има третман на минусна ставка на акумулирана добивка за соодветната година или да се книжи на трошок од 2024 и истиот дали треба да влезе во ДБ од 2024 година.
    »»» ОДГОВОР

82. Почитувани,
    Домашно правно лице изврши продажба на недвижен имот без ДДВ (земјиште со куќа во селско подрачје изградена во сопствена режија 2013 год.) на странско физичко лице по нето сметководствена вредност, при што не е остварена ниту добивка ниту загуба од продажбата на недвижниот имот.
    Кои сметководствени сметки треба да се применат за правилно сметководствено евидентирање на продажбата?
    »»» ОДГОВОР

83. Ве молам за одговор на прашање во врска со даночно ослободување по основ на реинвестирана добивка. Со одлука за распределба на добивка од 2023 г. е издвоен дел за инвестиции во 2024.
    Инвестициите се однесуват на вложувања во постоечки градежен објект –магацин на големо, во 2024 се вршата вложувања за адаптација на магацинот за подобра функционалност и унапредување на работењето, за извршените работи се добиваат фактури;
    o Фактури за извршени работи преградни ѕидови, адаптација на таван, поставување на еко панели на фасада,
    o Договори за извршени услуги за градежни работи,
    o Фактури за градежни материјали, готов бетон, еко панели, метални огради,
    o Фактури за основни градежни материјали во кои фактури има покрај ставките за градежните материјали има и ставки и за поситни неопходни материјали како типли, шрафови, жици, клинци, мрежи и сл.
    Дали износот на овие фактури може во целост да се користи како вложување во градежниот објект и да се користи како даночно ослободување по основ на инвестиции (реинвестирана добивка), или даночното ослободување може да се користи само за ставките за основните градежни материјали , а останатите на трошок?
    Ви благодарам,
    »»» ОДГОВОР

84. Почитувани,
    Ве молам за објаснување за повратена роба-готови јадења вратени како непродадени за тој ден.
    Во упатството за кало растур во угостителството ова како готов производ не е споменато
    Благодарам на одговорот.
    На ден 26.02.2025 година пратено барање за појаснување преку info@ujp.gov.mk:
    Почитувани,
    Со цел да одговориме конкретно на Вашето прашање Ве молиме за појаснување на истото:
    Од која индустрија е / шифра на дејност на друштвото-даночен обврзник кое ги припрема јадењата?
    • На кого ги продавате готовите јадења?
    • Кој ги враќа на друштвото непродадени јадења?
    • Дали имате договор склучен помеѓу друштвото кое ги припрема јадењата и трговецот кој ги продава? Доколку имате Ве молиме да ни доставите копија од истото доколку немате Ве молиме да ни појасните каков е начинот на враќање на непродадени јадења и носење на трошокот?
    Со почит,
    На ден 26.02.2025 добено појаснување од
    Шифра на дејност 56.10.
    Припремените јадења се продаваат во ланец на маркети.
    Задолжен за продажба оди по 20 часот и го прави пописот и со повратница го враќа и се фрла како неупотребена за понатамошнаа продажба. (Пример повратен леб,млеко и месо со поминат рок)
    Во Правилникот за кало растур и расипување нема графа за продадени готови јадења (гулаш, грав, ослиќ, плескавици, стекови, чорби и др).
    Сакаме повратената роба да ја раскнижиме исправно. Направени се книжења на сторно продажба и не знаеме повратената роба на конто 630 како да се раздолжи.
    Благодарам.
    »»» ОДГОВОР

85. Почитувани,
    Ќе Ве замолам за Ваше мислење во врска со новиот образец П-ТЦ (податоци за трансакции мегу поврзани лица).
    Конкретно се работи за даден заем на поврзано правно лице (нерезидент). Заемот е даден и вратен во 2024 година и е наплатена камата согласно со Законот (12месецен ЕУРИБОР+1 ).
    Прашањето е дали треба да го доставиме овој образец, со оглед на тоа дека во упатството пишува дека на реден број 4 се искажува: "вкупниот износ на дадени заеми и кредити што влијаеле на добивката или загубата прикажана на АОП 01 од образецот ДБ. Во нашиов случај дадениот заем нема никакво влијание на прикажаната добивка.
    Исто така на реден бр.6 од образецот П-ТЦ се искажува износот на приходите од камати на дадени заеми што влијаеле на добивката или загубата искажана на АОП 01 од образецот ДБ, но во нашиот случај бидејќи камата е пресметана и наплатена согласно со законски предвидената камата за даночни цели (12месецен ЕУРИБОР+1) таа нема влијание на добивката за 2024 година.
    Ве молам за насоки како да постапиме.
    Со почит,
    »»» ОДГОВОР

86. Почитувани,
    Ве молам за мислење за следново: Во член 9 од Закон за данок на добивка е предвидено дека дневницата во земјата е признат трошок за вработените во нестопанството ако се исплати во висина утврдена со прописите за органите на државната управа.
    Во Законот за извршување на буџетот за 2024 и за 2025 г. не е предвидена дневница за службено патување во земјата.Во член 20 од Општиот колективен договор за јавен сектор е дефинирано дека работникот има право на дневница за службено патување во земјата, но не е дефиниран износот и условите за исплата. Јавните претпријатија се опфатени со Општиот колективен договор за јавен сектор.Доколку Управниот одбор на јавното претпријатие донесе одлука да се исплати 2.500 ден. дневница за патување во земјата дали истата ќе биде призната во даночниот биланс?
    »»» ОДГОВОР

87. Почитувани,
    Ве молам за мислење во врска со даночниот третман на исплатени надоместоци на вработени кај буџетски корисници, единки корисници, ЈЗУ, општини и сл.
    Се работи за исплата на вработени за активности кои се надвор од нивните редовни задачи утврдени со актите за систематизација, како што се:
    -надомест за записничар за состаноци на Управен одбор,
    -надомест за член на Комисија за полагање и обуки,
    -надомест за член на Комисија за јавни набавки и сл.
    Дали овие исплати се признат расход во даночниот биланс?
    »»» ОДГОВОР

88. Ве молам за мислење во врска со следното:
    Буџетски корисник – јавна здравствена установа (ЈЗУ) има буџетска/фондовска сметка и сметка за сопствени приходи на која ги прима приходите од стопанска (профитна дејност), пример приходи од издавање простор под закуп. До УЈП доставува Даночен биланс (ДБ) во кој го оданочува вишокот на приходи од стопанската дејност и трошоците платени од сметката за приходи од стопанска дејност кои се непризнат расход според законот за данокот на добивка.Нашето прашање се однесува на тоа дали во даночниот биланс треба да ги оданочи и непризнатите расходи платени од буџетската/фондовската сметка?
    Благодарам за одговорите.
    »»» ОДГОВОР

89. Почитувани,
    Ви пишувам за да побарам информации во врска со дозволените рокови за амортизација на различни имоти, кои се применуваат според даночните прописи во Северна Македонија. Особено ме интересира листа или документ кој ги содржи соодветните рокови на амортизација за различни категории на имоти, како што се згради, машини и возила.Дали можете да ми обезбедите таква листа или да ми ја соопштите локацијата каде што можам да ги најдам овие информации за правилно применување на даночните прописи?
    Ви благодариме однапред за вашата поддршка и се радувам на вашиот брз одговор.
    Со почит,
    »»» ОДГОВОР

90. Почитувани,

    ЈЗУ Здравствен дом има прашање во врска со плаќање на персонален данок и данок на добивка.
    Дали има обврска да плаќаме персонален данок за надоместокот на одвоен живот за наши вработени на неопределено време кои се моментално на специјализација пратени од нашата установа.
    Нашата установа врши исплата на надоместок за одвоен живот во висина од 60% од просечната плата исплатена во РС Македонија во последните 3 месеци. Дали исплатениот надоместок за одвоен живот подлежи на оданочување при преметка на данокот за добивка.
    Дополнување:
    Во телефонски разговор на ден 08 и 09.07.2025 година со xxx е појаснето дека вработените лица за кои се исплаќа надоместок за одвоен живот не се распоредени на работно место во Скопје туку се упатени на специјализација.
    Со почит,
    »»» ОДГОВОР

91. Почитувани,
    Би сакале да ни дадете Ваше мислење во врска со:
    1) оданочувањето со данок на додадена вредност на прометот остварен од подзакуп на станови и
    2) задржувањето на данок при плаќање надомест кон странски правни лица
    Имено, правно лице коешто е регистриран даночен обврзник за целите на ДДВ, има намера да склучи договори со физички лица за користење под закуп станови во сопственост на физичките лица. Истите станови правното лице има намера да ги дава под наем (подзакуп) на други лица. Согласно член 23 став 1 точка 2 од Законот за ДДВ, се ослободува од данок на додадена вредност (без право на одбивка) „изнајмување на станбени згради и станови, доколку истите се користат за станбени цели“. Во конкретниот случај, дел од становите би се издавале преку веб платформи (Booking, Airbnb и сл.) на лица коишто само привремено би го користеле станот (неколку дена), па оттука се јавува дилемата дали остварениот промет би се сметал како „промет од изнајмување на стан за станбени цели“ и дали би подлежел на оданочување со данок на додадена вредност?
    Бидејќи дел од становите би се издавале преку веб платформи чии носители се правни лица коишто немаат седиште во Македонија (Booking и Airbnb) и притоа на овие нерезиденти би им се плаќал соодветен надомест за извршените услуги (услуги за огласување), би сакале да ни дадете Ваше мислење и во врска со прашањето „дали правното лице резидент (корисникот на услугите) при плаќање на надоместокот кон странските правни лица (Booking и Airbnb) по основ на услугите за огласување подлежи на обврската за пресметување и плаќање на задржан данок?“.
    Однапред Ви благодариме за одвоеното време!
    Почитувани!
    Поради итноста којашто произлегува од планот на правното лице да започне со издавањето на станови, Ве замолуваме во најкус можен рок да ни дадете Ваше мислење во врска со прашањата коишто Ви ги доставивме на 24 март 2025 год.
    Воедно, барањето од 24.03.2025 година би го надополниле со уште едно прашање во врска со коешто би сакале да ни дадете Ваше мислење. Имено, дел од лицата коишто би ги користеле становите, наместо на правното лице, надоместокот за користење на станот би го плаќале на странските правни лица на чии платформи станот ќе биде огласен (Booking и Airbnb), па овие странски правни лица би си задржувале одреден процент од надоместокот (провизија), а остатокот од сумата би го исплатувале на сметка на правното лице резидент коешто ги издава становите во подзакуп. Би сакале да ни дадете Ваше мислење во врска со прашањето „дали во овие случаи домашното правно лице (издавачот на становите) би требало да фактурира директно на корисникот на услугата или на странското правно лице на чија платформа бил огласен станот и дали доколку фактурата се издава кон странското правно лице, домашното правно лице би имало обврска да пресметува ДДВ, а на задржаната провизија од страна на странското правно лице да пресемтува и плаќа задржан данок?“.
    Однапред Ви благодариме!
    »»» ОДГОВОР

92. Почитувани,
    Правно лице има 100% сопственик - лице А, кое стои во тековна состојба на друштовот, но во тековна состојба на вистински сопственик стои дека лице Б е 100 % сопственик.Сакаме да исплатиме добивка.
    ПРАШАЊЕ ;
    На кое лице треба да се исплати добивката на лице А кое е сопственик во тековната состојба или на лице Б кое е во тековната состојба на вистински сопственик?
    »»» ОДГОВОР