Месечната пресметка за интегрирана наплата се поднесува преку клинтскиот софтвер на образец “МПИН“. Задолжително преземете ја верзијата на образецот достапна на веб страницата на УЈП, тука.

Поднесете ја пресметката за плата преку е-пошта

Користете ги електронските услуги на УЈП за поднесување на пресметките за плата. Пополнетиот образец МПИН пратете го преку електронска пошта celaplata@ujp.gov.mk и истиот ќе се смета за доставен до Управата за јавни приходи.

При доставување на МПИН за повеќе даночни обврзници преку електронска пошта, Ве молиме пресметките за плата да ги доставувате, одделно, за секој даночен обврзник.
Декларацијата и Налогот за плаќање ќе ви бидат доставени на вашата електронска пошта, најдоцна, во рок од 24 часа од поднесувањето на пријавата.
Еднаш доставената пресметка за плата не ја праќајте повторно преку е-пошта celaplata@ujp.gov.mk или во даночните канцеларии на Управата за јавни приходи.

Рок за поднесување на пресметката за плата

Обврзникот за пресметка и уплата на придонесите е должен пресметката, да ја достави до Управата за јавни приходи, најдоцна до 10 во тековниот за претходниот месец, по електронски пат.

Рок за исплата на бруто-плата

Рок на уплата на придонесите е денот на исплатата на плата или дел од плата, надоместок на плата, пензија, односно друг паричен надоместок.
Денот на исплатата на плата или дел од плата, надоместок на плата, пензија, односно друг паричен надоместок е ден на доспеаност за плаќање на придонесите.
Доколку плата или дел од плата, надоместок на плата, пензија, односно друг паричен надоместок не се исплатени, рок на доспеаност за плаќање на придонесите е 15 од тековниот месец за претходниот месец.
За обврзниците за плаќање на придонеси кои се сами за себе обврзници за уплата на придонесите, рок на уплата на придонесите е 15 во месецот за претходниот месец.