Износот којшто се распределува во вид на дивиденди и други распределби од добивката, било да е во паричен или непаричен облик, се оданочува во моментот на исплатата.
Под исплата на дивиденди и на други распределби од добивката се подразбираат дивидендите исплатени во пари, во удели, односно во акции на друштвото.
Оданочувањето на дивидендите, односно на авансите на дивидендите кои се исплаќаат во пари, се врши на денот на исплата на дивидендата.
Оданочувањето на дивиденда која е ставена во распределба во удели, односно акции, се врши на денот на запишувањето на зголемувањето на уделот во Централниот регистар на РМ, односно во Централниот депозитар на хартии од вредност.

Пресметката на данокот се врши на образецот “ДД-ИД“ кој се доставува до даночната канцеларија на УЈП или во електронска форма преку http://etax.ujp.gov.mk