Лично ослободување
Годишното лично ослободување е ослободувањето што го остварува обврзникот на персонален данок на доход при годишно пресметување на данокот на доход во Годишната даночна пријава или во Годишниот даночен биланс и кое во месечни износи го користат примателите на плата.
Износот на годишното лично ослободување го објавува Министерот за финансии и истото пред почетокот на секоја година се валоризира со планираниот пораст на нето платите на вработените во Република Македонија.
Преглед на лично ослободување за 2012 година
Врз основа на член 11, став 2 од Законот за персоналниот данок на доход („Службен весник на Р.М.", бр. 80/93, 3/94, 70/94, 71/96, 28/97, 8/01, 50/01, 52/01, 2/02, 44/02, 96/04, 120/05, 52/06, 139/06, 6/07, 160/07, 159/08, 20/09, 139/09, 171/10 и 135/11), министерот за финансии објавува:
1. Личното ослободување утврдено во член 10 став 1 точка 3 од Законот, за 2012 година на годишно ниво, изнесува 89.640,00 денари и
2. Личното ослободување по основ на лични примања од плата од работен однос и пензија, месечно се утврдува во изност од 7.470,00 денари, согласно со член 15-а став 2 од Законот
| Година | Број на објава | Датум на објава | Сл. весник број | Годишно лично ослободување | Месечно лично ослободување |
|---|---|---|---|---|---|
| 2012 | 20-41471/1 | 22.12.2011 | 177/11 | 89640.00 денари | 7470.00 денари |
