Стратешките цели на УЈП се одраз на процесот на модернизација и нашите заложби за подобрување на услугите кон даночните обврзници, зајакнување на административните капацитети на даночната администрација и приближување кон практиките и стандардите на Европската Унија.

УЈП се обврзува дека ќе ги почитува правата на даночните обврзници во согласност со Повелбата за правата на даночниот обврзник и ќе обезбеди:

• Тајност и доверливост
• Професионална и коректна услуга
• Плаќање на точен износ на данок
• Подеднаков третман на сите даночни обврзници
• Ефикасно работење
• Избор за контрола според утврдени критериуми
• Право на жалба и судска ревизијa

За периодот 2012-2014 година, Управата за јавни приходи планира 5 основни развојни стратешки цели. Дел од нив претставуваат континуиран развој и надоградба на веќе воведените мерки кои во идниот период се продолжуваат со нови активности, а дел од стратешките цели се прошируваат со нови мерки кои имаат за цел да го зајакнат капацитетот и да ја оспособат УЈП за темелно извршување на основните функции со нов квалитет кој се појавува како неопходност.

• Административни капацитети
• Секогаш чекор понапред
• Услужна ориентираност
• Организација на учење и знаење
• Место во меѓународната заедница