Со вчерашната работилница во Битола се заокружи уште една успешна активност реализирана во рамки на соработката помеѓу Управата за јавни приходи и Стопанската комора на Северна Македонија, преку Регионалните стопански комори во Битола и Прилеп. Оваа соработка започна во јуни со првата работилница одржана во Прилеп, а нејзина цел е компаниите навремено да се запознаат со функционалностите на системот е-Фактура, активно да се вклучат во неговото тестирање и преку своите искуства, предлози и забелешки да придонесат кон создавање модерен, ефикасен и функционален систем кој ќе одговори на потребите на деловната заедница. Со работилниците во Пелагонискиот регион беа опфатени вкупно 130 претставници од околу 70 компании.

Наплатата на даноци и придонеси во првата половина од 2026 година достигна исклучителни 2 милијарди и 271 милиони евра, што е за 231,8 милиони евра повеќе од истиот период лани и претставува уште една потврда за забрзаното темпо на раст на јавните приходи

Управата за јавни приходи ја информира јавноста дека поради планирани активности за унапредување на ИТ инфраструктурата на Управата за јавни приходи, на 02.07.2026 година (четврток) од 13:00 часот системот е-Даноци ќе биде привремено недостапен

Управата за јавни приходи ги известува сите граѓани дека крајниот рок за уплата на данокот утврден со Годишната даночна пријава за 2025 година е 30 јуни 2026 година. Секој граѓанин чија пријава покажува износ за доплата должен е да ја изврши уплатата навреме, со цел да избегне дополнителни трошоци и камати.

Управата за јавни приходи ги потсетува засегнатите даночни обврзници дека на 30 јуни 2026 година истекува рокот за поднесување на првите даночни пријави за 2024 година врз основа на одредбите од Законот за минимален глобален данок на добивка (во натамошниот текст: Законот) и Правилникот за начинот на пресметување и наплата на дополнителниот данок на добивка.