Приходи од самостојна дејност
Дефиниција
- Приходи од самостојна дејност - се приходите остварени од стопанска дејност, од давање професионални и други интелектуални услуги, приходите од земјоделска дејност и од други дејности чија трајна цел е остварување на приходи.
- Приходи од стопанска дејност - се приходите од производна, услужна, трговска, угостителска, превозничка и друга слична дејност.
- Приходи од професионални и други интелектуални услуги - приходите од здравствена, ветеринана, адвокатска, нотарска, консултантска, ревизорска, инженерска, архитектонска, новинарска, спортска, културна и друга интелектуална дејност.
- Под приходи од земјоделска дејност се подразбираат приходите од производство, доработка, преработка и пласман на сопствени земјоделски производи, како и одгледување на добиток и други стопанско-корисни животни и пласман на нивните производи.
Даночен обврзник
- трговец поединец
- физички лица кои се занимаваат со земјоделска дејност и кои водат деловни книги
- физички лица кои се занимаваат со занаетчиска дејност и кои водат деловни книги
- физички лица кои вршат услуги или слободни занимања, кои остваруваат приходи од вршење на дејност (адвокати, нотари, лекари, ветеринари, инженери, архитекти, сметководители, ревизори, новинари и сл.) кои не се сметаат за трговци
Даночна основа
Основа за пресметување на персоналнен данок за приходите од самостојна дејност претставува нето приходот (разлика помеѓу вкупните приходи и вкупните расходи на даночниот обврзник) утврдени во даночниот биланс.
Даночна стапка
- од 01.01 2008 година - стапката изнесува 10%
Утврдување аконтација на данок обврски за самостојни вршители на дејност (СВД)
Аконтацијата на данокот на доход за приходите од самостојна дејност ја утврдува со решение Управата за јавни приходи и тоа:
- врз основа на податоците од даночната пријава "ПДД-АДП/СД" (кога обврзникот за прв пат почнува да врши самостојна дејност)
- врз основа на податоците од даночниот биланс
- деловните книги и
- други податоци
Обврски за самостојни вршители на дејност (СВД)
- Аконтативни - до Управата за јавни приходи треба да достави "образец ПДД-АДП/СД", во рок од 15 дена од денот на започнување на вршење на дејноста, на чија територија физичко лице е регистриран за вршење на дејноста.
- Годишни - до Управата за јавни приходи и Централниот регистар да достави Биланс на приходи и расходи (образец "Б"), како и Годишен даночен биланс (образец "ПДД-ДБ"), најдоцна до 15 март наредната година.
