Ги информираме даночните обврзници дека софтверот за интегрирана наплата во Управата за јавни приходи не ги прифаќа пресметките на плата “МПИН“ на работодавачите кои имаат вработени лица кои користат боледување, породилно отсуство, ослободување од персоналниот данок за нововработени лица и други случаи во кои се пресметува придонес или данок, а плаќањето не е на товар на работодавачот. Во сите вакви случаи, иако пресметката на плата на работодавачот е точна, системот издава налог за плаќање кој содржи износ за плаќање од сметката на работодавачот.

Заради целосно запазување на законскиот рок за поднесување на “Барање за отпис на пресметани неплатени камати по основ на обврските за јавни давачки кои доспеале за плаќање на 31.12.2008 година“, даночните канцеларии на Управата за јавни приходи ќе вршат архивски прием на Барањата и во сабота 31.01.2009 година, од 08,30 до 16,30 часот.

Во огласот за продажба на недвижност по пат на втора усна јавна аукција за даночниот должник “ЖИТО СКОПЈЕ“ СКОПЈЕ, објавен на ден 15.01.2009 година во дневниот весник “ДНЕВНИК“ во делот кој се однесува на деловен објект запишан во Имотен лист бр.1044 за КО Гази Баба, К.П. 1965 на в.м. “357“, со вкупна површина од 2729 м2, во почетната цена на недвижноста направена е техничка грешка, наместо износот од 11.792.018,00 денари, треба да стои износ од 111.792.018,00 денари.

Со цел избегнување на евентуални грешки, како и навремено усогласување на системите за пресметка на плата на работодавачите, Управата за јавни приходи дава можност секој работодавач да го тестира својот систем со поднесување на тест-пресметка на плата.

Правото на отпис на камати даночните обврзници може да го остварат за доспеаните обврски за јавните давачки и споредните даночни давачки заклучно со 31.12.2008 година, доколку извршат плаќање на основниот долг и споредните даночни давачки во текот на 2009 година, во рамки на утврдените рокови (до 30 април, до 31 август или до 31 декември 2009 година).