Од 1 јули 2013 година, тримесечните ДДВ обврзници имаат законска обврска ДДВ-пријавите и даночните биланси пропишани со Законот за данокот на добивка да ги поднесуваат до УЈП по електронски пат преку системот е-Даноци https://etax-fl.ujp.gov.mk
Со цел навремено прилагодување на новините во даночното и финансиското работење, Ви препорачуваме да ги посетите обуките за е-Даноци кои Управата за јавни приходи ги организира во вашиот град/општина (види Распоред на обуки во прилог). 
На еднодневното советување, сите заинтересирани лица (правни лица, самостојни вршители на дејност и сметководствени бироа), имаат можност да се стекнат со знаења и практични примери за начинот на регистрација на системот е-Даноци, електронско поднесување на даночни пријави и други формулари до УЈП, увид во даночни картици, преглед на извештаи и др.

Период: Од 3 до 24 април 2013 година

Локација: Битола, Скопје, Велес, Радовиш, Кочани, Дебар, Прилеп, Охрид, Гевгелија, Тетово, Брово, Свети Николе, Крушево, Струга, Неготино, Кичево, Македонски Брод, Валандово, Струмица, Куманово, Демир Хисар, Ресен, Кавадарци, Гостивар и Виница.

Организатор: Управа за јавни приходи - Даночна академија

Учество на обуката: Со регистрација (најава на наведеното контакт лице, најдоцна два (2) дена пред почетокот на обуката), без финансиски надоместок.

Целна група: Правни лица, самостојни вршители на дејност и сметководствени бироа.

Ниво: Оперативно (учесниците на обуката треба да имаат основни познавања од интернет комуникација).

Опис на обуката: Еднодневна обука на која ќе бидат презентирани практични примери и дел од регулативата за користење на е-услугите на Управата за јавни приходи.

 
е-пошта: danochnaakademija@ujp.gov.mk
ОБУКА ЗА УСПЕХ!