Програмата Fiscalis 2013 е раководена од страна на Европската комисија во рамките на Генералниот директорат за оданочување и царина (DG TAXUD).
На 11 декември 2007 година Европскиот Парламент и Советот ја усвоија Fiscalis одлуката бр.1482/2007/EК, воспоставувајќи една заедничка програма Fiscalis 2013 (2008 – 2013), која има за цел да се подобри даночниот систем во внатрешниот пазар.
Времетраење на програмата
Програмата Fiscalis 2013 ќе се реализира во времетраење од шест години, почнувајќи од 1 јануари 2008 до 31 декември 2013 година. Целта на оваа програма е да се зголеми соработката и размената на информации, како и најдобрите практики помеѓу даночните администрации. Исто така, помага да се создадат модули за електронско учење и ИТ алатки, со цел да се олесни размената на даночни информации.
Клучни области
- Електронска контрола
- ДДВ
- Доброволно усогласување
- Административна соработка
- Управување со ризик
- Наплата на даноци и присилна наплата
- Административна стратегија за е-Даноци
- Взаемно разбирање и имплементација на даночната легислатива на ЕУ
Цели
Европската комисија секоја година ги поставува целите на Fiscalis 2013 во форма на годишна работна програма и ги истакнува приоритетите во полето на оданочувањето.
- Зголемување на борбата против даночните измами т.е. ДДВ измами;
- Постојано подобрување на административните процедури и практики во корист на администрациите и бизнис заедницата во ЕУ;
- Размена на информации помеѓу националните даночни администрации како и со обврзниците, преку проектите како што се транс – европските даночни системи.
Активности
Активностите кои што се финансирани и организирани од страна на Европската комисија вклучуваат: семинари, работилници, проектни групи и работни посети.
Управа за јавни приходи и FISCALIS 2013
Управата за јавни приходи се приклучи кон оваа програма од 1 април 2009 година.
Преку неа УЈП ќе има можност да учествува на многубројни активности кои што се организираат во рамките на истата, а во исто време да црпи информации и искуства од развиените даночни администрации и да ги имплементира во нашата даночна администрација.
Националниот тим кој што работи на имплементација на програмата Fiscalis 2013 е составен од следните лица:
- Јасмина Цветаноска, Раководител на Сектор за меѓународна соработка – Национален координатор
- Виолета Сејзова, Главен генерален инспектор – Координатор за ДДВ
- Мухедин Авдиќ, Раководител на Сектор за услуги на даночни обврзници – Координатор за акцизи и директни даноци
- Билјана Јакимова, Помлад асистент во Сектор за меѓународна соработка – Член на националниот тим
- Авона Павичевиќ, Помлад асистент во Сектор за меѓународна соработка – Член на националниот тим
За повеќе информации околу програмата Fiscalis 2013, посетете ја веб страницата http://ec.europa.eu/Fiscalis