По завршувањето на вториот рок (од 1 мај до 31 август 2009) за “отпис на каматите” на неплатените обврски за јавните давачки и споредните даночни давачки, Управата за јавни приходи отпиша 68,5 милиони денари камати на 300 даночни обврзници.

За целиот период од воведувањето на владината антикризна мерка, односно во првите два периода во кои даночните обврзници можеа да го искористат правото на 100% и 75% “отпис на камати”, 1015 даночни обврзници извршиле уплата на јавни давачки со што УЈП изврши отпис на камати во вкупен износ од 728 милиони денари. По основ на уплатите на главниот долг и спoредните јавни давачки, како услов за отпис на каматите, во Буџетот на РМ наплатени се 926 милиони денари заостанати долгови на даночните обврзници.

На даночните обврзници кои поднеле Барање за отпис на камати до УЈП им остануваат уште четири месеци, од 1 септември до 31 декември 2009 година, за уплата на главниот долг и споредните даночни давачки во третиот законски утврден рок и да го искористат своето право за отпис на 50% од каматата.