17.09.2009
Поради дефект на електричната мрежа во РД Скопје – Даночните услуги достапни во Контакт Центарот
Ги информираме даночните обврзници дека поради дефект во електричната мрежа и напојувавање, услугите на УЈП - Регионалната Дирекција Скопје ќе се одвиваат отежнато, односно определени услуги, посебно во делот на електронска комуникација ќе бидат оневозможени до отстранување на дефектот.
Од тие причини, ги упатуваме даночните обврзници сите видови обрасци (барања за издавање на уверенија и потврди, даночни пријави и сл.) кои ги доставуваат до Регионалната Дирекција Скопје да ги поднесуваат во Контакт Центарот на УЈП.
Контакт Центарот е лоциран во Градски Трговски Центар (II кат, над Кино Милениум). Услугите на Приемната канцеларија на Центарот се достапни секој работен ден и сабота од 09:00 до 20:00 часот.
