Заклучно со вчeрашниот ден/25 февруари, до Управата за јавни приходи поднесени се вкупно 28.073 даночни биланси.

Од очекуваните 42 илјади, образец “ДБ“ за пријавување на данокот на добивка за 2009 година, поднеле 17.678 правни лица.

Даночен биланс за вкупен приход (образец “ДБ-ВП“) пред истекот на рокот поднеле 10.395 мали и микро бизниси, од вкупно 25 илјади кои ја имаат ваквата обврска.

Бројките покажуваат дека голем дел од даночните обврзници сеуште не ја исполниле обврската и го чекаат последниот рок за поднесување на даночни пријави. Токму од овие причини, а со цел да им излеземе во пресрет на даночните обврзници да го запазат рокот, како што најави УЈП, прием на даночни пријави ќе се врши и за време на претстојниот викенд.
Исто така, даночните биланси ќе може да се поднесуваат и на 1 март/понеделник, бидејќи крајниот рок за поднесување на истите се паѓа во неработен ден.

Корисни информации:

Соопштение УЈП - „До 28 февруари - Пријавување на данокот на добивка и годишен данок на вкупен приход“