Управата за јавни приходи најостро ги демантира информациите изнесени на конференцијата за медиуми на Транспаретност Македонија и информациите објавени во прилогот во вестите на АЛФА ТВ „Контролирано кој ќе добие на тендерите во УЈП и во ЈСП“ на 12.11.2010 година.
За објективно информирање на јавноста за спроведувањето на постапките за јавни набавки, УЈП упатува токму на ревизорските мислења дадени во извештајот на Државниот завод за ревизија. Притоа да не се прават обиди за слободна интерпретација на дадените препораки од страна на ревизорите, ниту пак истите да се ставаат во корелација и да се споредуваат со други субјекти кои немаат никаква допирна точка со природата на работите кои ги врши даночната администрација, а се со цел нарушување на имиџот и наметнување на квалификации за работата на Управата.
