Скопје - од 26 до 28 јануари 2012 година, во работна посета на Управата за јавни приходи се претставниците на високото раководство на Албанската даночна администрација, предводена од генералниот директор, Газмир Спахија.

Блискоста на пазарите и непостоењето на граници за економското делување на компаниите, ја наметнува потребата за постојано унапредување на билатералната соработка со земјите од регионот, особено со соседните држави.

Во изминатите години, соработката помеѓу македонските и албанските даночни власти е интензивирана преку креирање на заеднички политики и преземање на конкретни оперативни мерки за високо ризичните компании кои гравитираат на пазарите на двете соседни држави.

Во таа насока, за време на тридневната посета, даночници на Македонија и Албанија ги договорија следните чекори и насоки на заедничите активности во делот на инспекцискиот надзор кој ќе бидат спроведени во наредниот период.