Управата за јавни приходи во изминатите три дена откри нови 21 случаи на нелегално работење во делот на игрите на среќа и фискализацијата, од кои кај дел активностите беа спроведени заеднички со МВР.
Поради приредување на игри на среќа кои се забранети во Македонија и нелиценцирано вршење дејност во Охрид, с.Радолишта (струшко), с.Обршани и с.Дебреште (прилепско), УЈП одзеде 7 покер апарати и затвори 4 објекти.
Во заедничката акција со службите на МВР, вчера вечерта одземени се и 44 апарати и опрема за игри на среќа од 5 објекти во с.Лабуништа, с. Вевчани, с.Велешта и Струга.
Исто така, даночните инспектори утврдија угостителски објекти кои работеле на “диво“ и го криеле прометот од даночниците и тоа 2 во Прилеп и 1 во Струга. Поради непоседување на фискален апарат или неиздавање на фискални сметки, покрај овие три, изречена им е парична казна и затворени се уште 8 објекти.