Скопје - Даночната академија во периодот од 25 до 27 декември 2012 година одржа тродневна работилница на тема “Запознавање со работниот процес на Управата за јавни приходи” на која присуствуваа 30 студенти од Правниот факултет „Јустинијан Први“. На теоретскиот дел од работилницата, даночните експерти од УЈП го претставија профилот на Управата за приходи, а за време на практичниот дел од ова работилница студентите ја посетија Регионалната дирекција Скопје и Центарот за обработка на податоци, каде имаа можност да се запознаат со конкретни активности од работните процеси во Управата за јавни приходи.
Одржувањето на оваа работилница е во рамките на проектот „Фискална едукација на младите“, преку кој средношколците и студентите веќе трета година по ред имаат можност да добијат појасна слика за тоа што претставува данокот и која е општествената корист од плаќањето на даноците.

е-пошта: danochnaakademija@ujp.gov.mk
ОБУКА ЗА УСПЕХ!