Обврзниците кои исплаќаат плата, придонеси и персонален данок, почнувајќи со изготвувањето на пресметките на бруто-плата за месец Септември треба да ја користат новата верзија на клиентскиот софтвер од 30.09.2011 година. Со надоградбата на софтверот се овозможува да се поднесуваат МПИН-пресметки за исплати по основ на судски пресуди/спогодби (вид на обврска 109), како и за исплати на надоместоци кон лица-волонтери (вид на обврска 222)...

Погубно за македонската економија, што определени “ексерти“ и општествени чинители, сеуште вршат етикетирања на бизносот од типот на “наши“ и “ваши“. Управата за јавни приходи не се раководи од ваквата матрица, што не се совпаѓа ниту со здравата економска логика, ниту пак може да се применува кога се во прашање даноците. Единствен и релевантен критериум по кој УЈП ги препознава фирмите во Македонија е ризичноста на нивното работење, а не местото или некаква поделба на “наши“ и “ваши“... Новиот систем на УЈП, граден со помош на меѓународни експерти, ја исклучува можноста за селективно постапување. Ја информираме јавноста дека работењето на Агенцијата “Проспект“, за која СДСМ ја стави на “испит“ Управата за јавни приходи...

Денес се одржа првата од четирите планирани обуки на тема „Ефикасни комуникациски вештини за даночните инспектори и даночните извршители“, кои ќе се спроведуваат во рамките на Проектот “Поддршка на даночните реформи“, финансиран од Европската унија (ИПА2007). Поагајќи од фактот дека сеуште во јавноста преовладува перцепцијата за УЈП како репресивен орган, што се должи најмногу на природата на функциите како што се “даночниот инспекторат“ и “присилната наплата на даноците“, главна цел и интерес на обуките е подобрувањето на вештините и техниките за комуникација на вработените кои треба да обезбедат доверба во нашата професионалност, ефикасност, транспарентност и услужна ориентираност, но и имплементирање на Програмата за континуирано учење и развој ...

Поради екот на летната сезона, ги потсетуваме граѓаните кои нудат туристички услуги за приватно сместување во езерските и планински центри во Македонија и издаваат во закуп или подзакуп простории за одмор и рекреација, викендици, соби, стан или деловен простор, земјиште, гаражи, опрема, превозни средства и други видови имот, дека приходите од издавање треба да ги пријавaт во Управата за јавни приходи. Пријавувањето на приходите се врши во надлежната даночна канцеларија во местото каде се наоѓа имотот кој се издава, со поднесување на даночна пријава (образец “ПДД-АДП/ПИ“) во рок од 15 дена ...

Засилените даночни контроли на УЈП во делот на фискализацијата покажаа дека според дејноста угостителите и трговците на мало се оние кои најмногу се обидуваат да го заобиколат законот. На листата на оние кои се обидуваат да плаќаат помалку данок се и нотарите и стоматолозите, но не толку вешти се и некои даночни службеници во УЈП кои криејќи се зад семејните бизниси ја поттикнуваат сивата економија наместо да делуваат во нејзино намалување. Обидите на скопјани да плаќаат помалку данок преку неиздавање на фискални сметки и покрај постојаните апели во јавноста и едукацијата која на терен ја спроведува УЈП, резултираше 81 фирма да се соочаат со парични казни од вкупно 109.600 евра, што е само уште една потврда дека во Македонија не е веќе исплатливо да се работи незаконски. Зад скопјани не заостануваат ниту охриѓани. Даночните контроли во Охрид покажаа дека во екот на туристичката сезона, сите 34 контролирани објекти направиле прекршок во делот на фискализација...