Граѓанинот кој е член на доброволен пензиски фонд и кој уплатил сопствени средства во пензискиот фонд кои се претходно оданочени со персонален данок, има право да бара враќање (поврат) на платениот персонален данок пресметан на износот на уплатениот придонес во доброволниот пензиски фонд...Правото на враќање на персонален данок, може да се оствари со поднесување на „Барање за поврат на персонален данок на индивидуална сметка“ (образец БПП-ИС/ДПФ) и прилог докази за платениот персонален данок во Македонија, за износот кој се побарува за враќање...

Во врска со прилогот на А1 „Фронтален напад врз А1“ објавен во вестите на А1 телевизија во 19.00 часот на 17.03.2011 година (новинар: Мишко Иванов), ги демантираме изнесените информации дека Управата за јавни приходи истапува со различни информации, како и реагираме на изнесување на делумни информации од страна на редакцијата на А1. Управата за јавни приходи стои зад сите информации кои ги изнесува и пласира во јавноста. Преку цитирање само на делови од нацрт-записници на УЈП, избрани од редакцијата на А1, се искривува сликата во јавноста за посочениот случај...

Информирајте се за роковите и можностите во однос на начините на плаќање на радиодифузната такса, постапката за вадење на дупликат/копие од решението за радиодифузната такса...

Остануваат уште неколку дена за поднесување на „Биланс на приходи и расходи“ и „Годишен даночен биланс“, кои до 15 март 2011 треба да ги достават трговците-поединци и физичките лица кои остваруваат приходи од: стопанската дејност (фризери, бербери, златари, такси превозници...), давање професионални и други интелектуални услуги (нотари, адвокати, стоматолози...), занаетчиска дејност, земјоделска дејност и од други дејности чија трајна цел е остварување на приходи. Обрасците се бесплатни и може да ги преземете од веб страницата или на шалтери во УЈП.

Новата брошура „Месечна пресметка за интегрирана наплата“ ќе ви oвозможи помош и поддршка при пополнување и доставување на месечните податоци за пресметани плати, придонеси и персонален данок (образец “МПИН“). Со цел олеснување и помош при пополнувањето на клиентскиот софтвер, Управата за јавни приходи изготви и интерактивни упатства (видео), а кои даваат практично објаснување како треба да вршите пресметка во специфичните случаи кои може да се појават при изготвувањето на платите. Брошурата и видео материјалите се достапни на веб страницата на УЈП ...