Фирмите кои вршеле исплати на приходи во текот на изминатата година, до 15 февруари задолжително на граѓанинот треба да му издадат збирна пресметка за исплатените приходи по основ на: лични примања, авторски права и права од индустриска сопственост, капитал, имот и имотни права (закупнини), добивките од игри на среќа и други наградни игри или други приходи, како и платениот персонален данок и придонеси во 2012 година. Според последните податоци на УЈП, само 15.031 исплатувачи на приходи поднеле Годишен извештај за 2012 (“ПДД-ГИ“) , а се очекува оваа бројка до крајниот рок / 15 февруари да достигне 70 илјади. Заради избегнување на метежите на шалтерите на УЈП, им укажуваме на фирмите кои се регистрирани корисници на е-Даноци https://etax-fl.ujp.gov.mk да го достават Годишен извештај (“ПДД-ГИ“) преку интернет. По електронски пат, годишен извештај доставиле 42 фирми...

Скопје – На 6 февруари 2013 година директорот на Управата за јавни приходи, Горан Трајковски и директорот на Академијата на судии и јавни обвинители, судија Анета Арнаудовска потпишаа Меморандум за соработка со кој се потврдува заложбата и интересот за заеднички придонес за зајакнување на капацитетите на судството, како еден од главните приоритети за членство на Македонија во Европската Унија. Меѓусебната соработка на двете академии е во насока на обезбедување на соодветна примена на даночните закони и размена на искуство во делот на даночната пракса, која ќе се остварува преку...

Република Македонија е единствена држава од Југоисточна Европа и една од малкуте држави во светот која имплементира Надзорен информативен систем (НИС) за следење на прометот кај приредувачите на посебните игри на среќа. Со измените и дополнувањата на Законот за игрите на среќа и за забавните игри („Службен весник на РМ“, бр.74/12), приредувачите на посебни игри на среќа: казина (за автоматите), автомат клубови и обложувалници, имаат обврска од 1 јануари 2013 година да обезбедат Надзорен информациски систем (НИС) кој ќе биде поврзан со Управата за јавни приходи. Станува збор за ИТ решение кое централно ги регистрира уплатите и исплатите од игрите на среќа во сите деловни единици на приредувачот и кое е он-лине поврзано со информацискиот систем на УЈП...

Просечната плата по работник во Република Македонија, според податоците на Државниот завод за статистика објавени во Јануари 2013 година изнесува 30.595 денари. Најниската основица за пресметка на придонесите за 2013 година изнесува 15.298,00 денари (50% од 30.595,00), додека највисока основица изнесува 183.570,00 денари (6 x 30.595,00). Сите обврзници кои до овој момент имаат поднесено и исплатено конечни пресметки за Јануари 2013 година, а исплатуваат плати под најниската основица или над највисоката основица за пресметка на социјалните придонеси, треба да поднесат исправки (103) на истите, со утврдениот износ на просечната плата...

Последните податоци на УЈП покажуваат дека новата обврска за поднесување на електронски ДДВ пријави, која стапи на сила од 1 јануари 2013 година, месечните ДДВ обврзници навреме и успешно ја завршија, со мал процент на исклучоци. Од вкупно 4584 фирми кои имаа обврска до 23.59 часот на 25 јануари да достават ДДВ пријава по електронски пат преку системот е-Даноци https://etax-fl.ujp.gov.mk/ на УЈП, 124 месечни ДДВ обврзници не презеле никакви чекори и не се усогласиле со новиот начин на електронска комуникација со УЈП, односно воопшто не се регистрирале за користење на е-даночните услуги со дигитален сертификат на USB токен.