Ги информираме граѓаните / даночни обврзници на персоналниот данок на доход дека од 10 февруари 2011 година, задолжително треба да се применуваат новите обрасци – аконтативни даночни пријави со кои во Управата за јавни приходи се врши пријавување на:
- приходи од капитални добивки (образец “ПДД-АДП/КД“)
- приходи од имот и имотни права (образец “ПДД-АДП/ПИ“)
- започнување на остварување на приходи од самостојна дејност (образец “ПДД-АДП/СД“)
- остварени други приходи (образец “ПДД-АДП/ДП“)
* Формата и содржината на наведените аконтативни даночни пријави е пропишана со правилници објавени во „Службен весник на РМ", бр.15/2011.
Најновите измени се пред се во насока на поедноставување на даночните пријави според потребите на даночните обврзници, односно овозможуваат граѓаните полесно и поедноставно да ги пријават своите приходи во УЈП во неколку чекори.
Сите обрасци се редизајнирани согласно пропишаните стандарди на УЈП и истите се бесплатни, односно можат да се преземат преку интернет (кликни тука) или на шалтерите во УЈП.