Утре (15 март 2017 година) истекува рокот за поднесување на Годишната даночна пријава за утврдување на персоналниот данок на дохоd (образец ПДД-ГДП) за приходите кои граѓаните ги оствариле во изминатата 2016 година.
Во текот на денешниот и утрешниот ден се очекува околу 40 илјади граѓани да ја исполнат својата обврска.
Според последните податоци, најмногу пријави се доставени во Скопје (144.066), а 1728 граѓани ја искористиле можноста за достава на пријавата преку е-Даночните услуги:
Поднесени Годишни даночни пријави заклучно со 13.03.2017 година | |||
Регионална дирекција на УЈП | Поднесени ПДД-ГДП |
Електронски ПДД-ГДП |
ВКУПНО |
Скопје | 143010 | 1056 | 144066 |
Битола | 45701 | 132 | 45833 |
Прилеп | 49085 | 119 | 49204 |
Струмица | 32868 | 123 | 32991 |
Тетово | 27345 | 115 | 27460 |
Штип | 62786 | 183 | 62969 |
ВКУПНО | 360795 | 1728 | 362523 |
Потсетуваме дека даночните канцеларии на УЈП работат од 8:30 до 18:00 часот, а граѓаните можат да ја достават Годишната даночната пријава и преку пошта.
Со цел избегнување на метежите, отворени се дополнителни шалтери во Скопје за поднесување на Годишна даночна пријава, лоцирани на приземјето на Дирекцијата за големи даночни обврзници (зграда на ССМ).
За точна адреса, локација и работно време на даночните канцеларии, информирајте се преку веб страницата на УЈП (види и http://www.ujp.gov.mk/mk/kontakt).
За сите дополнителни информации и помош при пополнувањето на Годишната даночна пријава, граѓаните можат да се обратат во Инфо центарот 0800 33 000 или да побараат помош од даночните агенти во даночните канцеларии.