На една седмица пред истекот на рокот, 1191 месечни ДДВ обврзници сеуште не се регистрирале на системот е-Даноци, чие користење е задолжително од 1 јануари. Согласно законските измени, месечните ДДВ обврзници од почетокот на 2013 година нема да можат повеќе да ги поднесуваат ДДВ-пријавите и даночните биланси за данокот на добивка во хартиена форма, туку истото ќе треба да го вршат по електронски пат преку интернет сервисот на УЈП е-Даноци https://etax-fl.ujp.gov.mk/ Фирмите во наредните седум дена треба да ги обезбедат сите предуслови и да се регистраат за користење на електронските даночни услуги. Ненавременото прилагодување на новите законски обврски поврзани со користење на е-Даноци, негативно ќе се одрази врз финансиското работење на фирмите, земајќи предвид дека истите нема да можат да го пријават данокот во УЈП...

Со најновите измени на Законот за ДДВ, продолжува примената на повластена даночна стапка за термални сончеви системи и компоненти, компјутери и софтвер за компјутери...се ослободуваат од ДДВ сите пратки што не го надминуваат износот од 22 евра во денарска противвредност...прометот на влезници за јавни настани кои се од национален интерес...

На манифестацијата „Сајт на годината 2012“, која се одржа на 13.12.2012 година во Инфо центарот на ЕУ во Скопје, во категоријата на најдобар сајт за владини/државни институции, веб страницата на УЈП www.ujp.gov.mk го освои третото место. Изборот „Сајт на годината" кој се случува по трет пат има за цел да придонесе кон развојот на домашните веб-страници и да додели сертификати и признанија на луѓето кои работат во развојот на онлајн-медиумите во земјава...

Фирмите кои од 1 јануари имаат законска обврска да поднесуваат даночни пријави до УЈП по електронски пат, бавно се приспособуваат на новините во даночното работење. На 15 дена дена пред истекот на рокот, 1440 фирми не презеле никакви чекори, односно воопшто се немаат регистрирано на системот е-Даноци https://etax-fl.ujp.gov.mk/ За да можат фирмите да се регистрираат и да ги користат електронските даночни услуги, треба да поседуваат Интернет, е-Пошта, како и Дигитален сертификат на USB токен кој е издаден од некоја од овластените куќи: Македонски Телеком или КИБС. Потсетуваме дека законот предвидува високи казни - за неподнесување, односно ненавременото поднесување на даночна пријава...

Заради навремено усогласување со новите законски обврски, обврзниците задолжително треба да се регистрираат на новиот систем на https://etax-fl.ujp.gov.mk/, најдоцна до 31 декември 2012 година, во спротивно нема да можат да ги користат електронските услуги на УЈП и навремено да пријават данок. Апелираме фирмите да не го чекаат последниот рок. За сите дополнителни информации и техничка поддршка, даночните обврзници можат да се обратат во Инфо центарот на 0800 33 000, секој ден (освен недела) од 08.30 до 21.00 часот или на е-пошта: info@ujp.gov.mk ...