Tрговците-поединци и граѓаните кои остваруваат приходи од: стопанската дејност, давање професионални и други интелектуални услуги (нотари, адвокати, стоматолози...), занаетчиска дејност, земјоделска дејност и од други дејности...за остварената добивка или загуба од работењето за 2012 година, имаат обврска најдоцна до 15-ти март 2013 година да ги поднесат обрасците “Б” и “ПДД-ДБ” до УЈП...

Нашата мисија е да обезбедиме висок квалитет на услуги за даночните обврзници, поедноставени даночни постапки за навремено и точно исполнување на обврските и праведно и ефикасно собирање на даноците и на другите јавни давачки...во периодот 2013-2015 ќе се фокусираме на понатамошен развој и надоградба на веќе воведените мерки и проширување на дел од стратешките цели со нови мерки преку чија имплементација ќе продолжиме да го зајакнуваме административниот капацитет и да ги подигнуваме квалитативните стандарди на работењето преку висок степен на компјутеризација на работните процеси, давање услуги кон даночните обврзници и со систематска и современа едукација на вработените...

Во рамките на активностите за сузбивање на незаконското приредување на игри на среќа, УЈП затвори 8 “диви“ обложувалници. Во даночните контроли спроведени изминатите четири дена, во Тетовско се затворени 6 објекти каде нелегално се организирало спортско обложување, а во Гостиварско 2. УЈП во сите објекти изврши заплена на техничката опрема, а против сторителите ќе бидат поднесени кривични пријави за нелиценцираното приредување на игри на среќа.

Концептот на бруто-плата и системот на интегрирана наплата на социјалните придонеси и персонален данок на плата бара подетално појаснување и прецизирање на повеќе прашања, поради што ви ја препорачуваме е-брошурата и интерактивните упатства за МПИН за 2013 година...

Доколку сте правно лице – резидент на РМ кој остварува добивка од вршење на дејност во земјата и странство, или сте постојана деловна единица на странско правно лице која остварува добивка од вршење на дејност на територија на РM, имате обврска најдоцна до 28 февруари 2013 година да поднесете Даночен биланс за оданочување на непризнаени расходи (образец “ДБ“) до УЈП. Ако сте мал или микро трговец кој извршува стопанска дејност (освен банкарска, финансиска, осигурителна и дејност од областа на игрите на среќа и забавните игри) и ако во 2012 година, од кој било извор сте оствариле вкупен приход не поголем од 3.000.000 денари на годишно ниво, или пак сте оствариле вкупен приход од 3.000.001 до 6.000.000 денари, а притоа сте се определиле за пресметување и плаќање на „годишен данок на вкупен приход“, имате обврска да поднесете Даночен биланс на вкупен приход (образец “ДБ-ВП“) до УЈП...